呢個星期較為得閒, 可以早少少走, 不過咁早返到屋企, 都有d唔慣, 都唔知做乜好, 連阿媽都問我點解可以咁早返~
有時寧願留係公司做下野, 但佢地個個見我成日都做到咁夜, 最近開始迫我走, tinny前幾日臨放工個時放0左份野係我個tray度, 同我講,"呢份野你聽日先做, 唔准而家做, 你試下而家做, 打你~!", 我唔同佢地, 佢地個個放工返屋企陪老公, 男朋友or 湊仔, 我呢??...所以我寧願早d返, 晏d放, 用份工occupy晒我d時間,而家既生活就係返工放工, 乜都唔駛諗, 感覺輕鬆d~
諗0番起有一次做到九點幾十點, 個人做到暈暈地, 咩感覺都無, 剩係想聽下柏豪把聲, 打電話俾佢, 點知我都未講完, 就聽到"我而家唔係好方便傾電話..."...個一刻真係好down, 差d係條街失控大喊, 不過其實個一刻我已經無力再喊, 剩係知道個心不停咁沉緊...
好後悔打0左呢個電話, 令自己更唔開心...不過算la, d唔開心既野, 唔應該再諗, 我而家好開心, 就足夠~~
最近經過d商場, 見到已經佈置好christmas 既燈飾同公仔, 好靚好有聖誕feel, 仲有早派同kanis 食完飯經過海港城, 見到d 紫色既christmas tree, 好靚好童話feel~~ 好快就到聖誕, 我最鍾意既節日~~ 年年都同佢過, 不過今年......一個人...我已經約0左家姐
係時間plan下我既christmas schedule , 我要將我既christmas節目排到密麻麻, 唔俾自己孤拎拎咁過~~

最近開始0弟返電視, 好出奇呢個世界真係會有d咁好咁長情既人, 3年wor...呢d永遠只會係電影劇集先有既人, 都係唔好諗咁多~~

今日同中學同學去0左poly 影相食飯, 傾得好開心, 聽佢地講返工d笑料, 好似聽笑話咁, 笑到肚痛~~ 發覺中學d同學仔普遍都搵到份唔錯既工
前幾日0弟d旅遊節目, 介紹北京, 又諗0番起個段最開心既日子, 真係好掛住個時咁無憂無慮既日子...好懷念最後既一個暑假...
好開心, 識到一班好天真既中學同學仔,
更開心, 識到一班玩得傾得又好人既大學同學仔~~