07-05-07

學咗一個幾好玩嘅遊戲，叫做「加油加油」。

玩法好簡單。先將所有參加者兩個人一組猜包剪鎚，如果兩個人出嘅手勢一樣，就可以combine為一組，但係猜嘅時候只可以叫「加油加油」，唔可以話自己會出邊個手勢。之後搵第二組人再猜「包剪鎚」，又係要所有人手勢一樣先可以combine，而家變咗有四個人猜，難度當然高咗，四個人combine咗一組後，再去搵另一組人猜「包剪鎚」，如此類推，直至所有人combine為一組為止。

呢個遊戲無輸贏之分，因為終極目標係要令所有人歸入一個大組，所以遊戲強調參加者嘅合作性、默契同埋有共同目標，上述三樣亦係主辦單位希望我哋呢班參加者响呢個遊戲中領悟到嘅道理。

燈泡係著咗，不過我個燈泡嘅型號同其他人有啲唔同，我get到嘅message係：即使你持嘅係正論，甚至贏哂成個team，但係只要成個team嘅人都係「擇惡而固執」你嘅正論都唔會得到欣賞，正如响「加油加油」入面，全世界出鎚，得你一個出包，根據一般「包剪鎚」，你係贏咗，但今次，你會變咗搞破壞嗰個。