14-04-07

「係得你可以同佢啱傾，其實佢可能真係你杯茶窩！」

「佢係唔係你杯茶就唔知，但係你應該係佢杯茶，考慮吓吖！」

同一個舊同事講開另一個被分類為「小迷糊」嘅舊同事，得出上述結論。

謊言講一千次會成真，緋聞傳一千次都會成真？

我哋啱啱認識嘅時候，曾經傳出過緋聞，我對呢啲緋聞一向採取不承認亦不否認嘅模凌兩可嘅態度，反正澄清完好事之徒都會繼續他哋嘅臆測；至於小迷糊點樣回應就不在我管理範圍啦！

但係我承認，剛相識的時候，我對呢個「小迷糊」的確有啲好感，所以好多時候我都會樂意幫佢解決工作上嘅問題，可能因為佢呢種迷糊嘅氣質，對啱咗我鍾意幫人、鍾意扮前輩嘅channel，而佢果個成日都好似未清醒嘅樣子，亦令我想去保護佢。

──講咗甘耐，我都好似响度向自己解釋點解會鍾意佢，因為好多舊同事都拎我哋嚟講笑，仲話如果我同小迷糊拍拖，我一定會俾佢激死。不過管他呢，我喜歡就好！