12-12-06

終於決定同阿盈去邊啦，就係去海洋公園。對上一次去都好似係好耐之前0既事，果時我仲讀緊書。除0左阿盈，仲有輝爺一齊去，我0地三個識0左超過十年(正確0黎講係我識阿盈同輝爺，佢兩個好少交流@@)，但係三個人一齊去玩，都好似係第一次。

去到第一件事，竟然係去0左souvenir shop！女仔通常都係鍾意shopping的一個好例子。之後去玩山上機動遊戲，第一個梗係「滑浪飛船」左為熱身(或者係濕身-_-)，之後去玩「太空摩天輪」，感覺好似俾人放0左入乾衣機咁，玩完個身又真係乾0左@@，「越曠飛車」真係好刺激，由頂衝落0黎果0下，凈係望到都覺得驚驚0地(我0既感覺係：嘩！咁長0既？)。

玩完一輪，係時候去睇0下海洋生物，d水母全身透明晌度浮浮0下，好得意，加埋d紅色0既燈，感覺好似走0左入一條血管咁。仲有其他0既海豹呀、魚呀、龜呀……見到一條好大0既蘇眉，我諗清蒸0左夠我食一個星期。

全場惟一嚇到我叫出聲0既就係「跳樓機」，上去果0下好快，仲要好似點都唔到頂咁，點知上0左頂冇耐突然就跌落0黎，果0下仲快，嗌到好大聲@@落到一半「chok」返上去，再跌過，不過呢0下冇咁驚嚇。經過呢次，我會有膽玩「笨豬跳」。

食完0野再去玩過。首先係「海盜船」，一上船前面有對情侶，個男仔係咁講0野嚇個女仔，開船第一0下個男仔仲要好誇張咁大叫「嘩！好驚呀！好恐怖呀」，搞到佢女朋友係咁「批爭」佢；而我對面(即係中間果排)有個女人仲犀利，全程嗌到收唔到聲。第一次覺，海盜船本身都唔夠玩0既人咁吸引、咁令人開心(我玩咁耐，就因呢兩個人0既行為笑咁耐)。

大家估0下玩0左咁多樣機動遊戲，我最驚係邊樣？我邊樣都唔驚，但係佢驚0既係坐佢0地0既纜車，即係晌兩個山頭吊住行0黎行去果d……連輝爺都話，果然人人驚0既0野都唔同……

今日仲影0左好多相，可惜阿盈話好多都手震、影得朦0左，真係對佢唔住……