06-09-06

臨放工0既時候，Kamen講0左一句：「嘩今日好充實呀！做0左十一個鐘頭0既0野！」我望一望個鐘先得五點，做0左十一個鐘？Kamen妳六點鐘就返工啦？

「唔係，今日開左個組，有七個人參加，每人計一個鐘，劃左三個floor plan，計兩個種，打電話幫client訂貨同教佢0地照顧技巧，又可以計到兩個鐘，咁計落十一個鐘差唔多啦！」

人0既工作能力竟然可以相差咁遠！Kamen返八個半鐘頭工，扣埋一個鐘lunch、半個鐘行出行入，都仲可以計到十一個鐘0既工作量；我返八個鐘頭工，都好似唔係好夠用，仲要工作越積越多，in-out tray極度不平衡(in>>>out)，唔通我真係要帶買個睡袋返center紮營通宵工作？

不過諗返轉頭，Kamen、Raymond同護士們(Shirley、Cream)咁辛苦，都係想meet到社署0既要求，因為社署要求每個月專業醫療同工(即係Kamen、Raymond同護士們)要提供一定0既服務時數俾client(我果d唔計得數，哼！)，所以我成日覺得佢0地跑數好辛苦，但我又幫唔到咩手……惟有做好自己0既工作，再同佢0地打氣啦！Kamen、Raymond、Shirley、Cream，加油呀！