29-08-06

入職差唔多有八個半月，除0左上次主任離開我0地以外，都未有切實諗過想走，我諗往後0既日子，我都會安安穩穩咁晌呢個center渡過……

今日Anne主任同我做0左第一次考核，我就冇咩擔心同緊張0既，因為「爛船都有三斤釘」，何況我唔係爛船？不過都想知道0下主任有咩建議俾自己改善0既。

果然不出所料就係d工作做唔晒啦，呢樣我都承認0既，因為自己雖然係(好似)好勤力，但係d時間就用0左0黎行d冤枉路，明明係可以straight forward咁做好一件事，但就總係會左搞右搞、鬥個圈先做得完。

另外主任叫我唔好感情用事，佢話我有時交更見到同事做0野做得唔開心，個人就會「炆」埋一份，講0左d唔係好似一個worker講0既話，要改；有時仲會有d「鋤強扶弱」0既心態，雖然我覺得佢都得中，但係大家都俾唔到例子出0黎証明，不過唔緊要啦，心照0左就ok。

咁我都總有長處0既，起碼主任覺得我對服務都算熟悉，做0野肯捱義氣唔計較，同埋都見到我好肯去學0野充實自己(梗係要學啦，因為我好多0野都唔識嘛)，加上我都算係晌center最艱難果段時間入職，做到而家漸上軌道，都係「應記一功」(呢個係主任晌報告上0既評語0黎0架)，所以都pass 0左個考核、續埋約。跟住落0黎就唔係新人，要好好考驗同發揮工作能力0既時候啦！