27-11-05

為0左提高服務質素，馬會請0左一間機構，進行「神秘顧客調查計劃」，機構會晌十個唔同0既日子，派出受過訓練0既人員充當神秘顧客，從不同角度調查投注站0既服務質素。

聽落好似好有用，但係呢個計劃實質0既功效有幾多呢？呵呵呵呵~~又唔可以叫冇0既，但係睇完今日0既日記，我相信你會明白呢個計劃係言過其實。

話說今日差唔多兩點幾，我0既上司Peppy通知我：「少明，arm arm第二間投注站打電話0黎，神秘顧客晌佢0地果邊0黎緊。神秘顧客係個二十幾歲0既男仔、面尖尖、髮型好似基仔、中間果d頭髮長d、著墨綠色T恤、淺藍色風褸、拎住一個袋0既。」好詳盡0既描述，冇理由唔知邊個係啦。

其實呢d神秘顧客，一d都唔神秘，上次已經見過一個啦，一入0黎就四圍望，慌死d職員唔知佢係神秘顧客咁；另一個仲誇張，一路傾電話一路入0黎，d同事望多佢兩眼，佢就同電話0既另一邊講：「佢0地好似已經發現0左我啦……」唉……同d咁0既質素0既人做神秘顧客，真係晒錢晒心機，不如將d錢用0黎加人工、或者換過d新0既投注設施，等顧客少d投訴好過啦！