26-11-05

今日小kit妹影畢業相，地點係PolyU，小妹子叫到少明哥哥梗係要到啦。除0左少明哥哥之外，仲有里奧、小蘋果同小覓，雖然唔係好多人，但因為我同里奧、小蘋果有差唔多兩年冇見啦，所以再見到真係好開心~~

除0左有正經0既畢業相之外，點少得一d古靈精怪0既相呢？社工系0既office大裝修之後，我0地班同學都冇返過去，所以今次返去我0地都影0左唔少相，好似係我0地畢業咁……

今次，勾返起一d唔開心0既過去。

因為我讀書唔係太好，所以大學repeat 0左一年，結果同班同學全部著畢業袍影相，得我同少爺仔兩個冇袍著，感覺好似格格不入咁；到第二年我畢業啦，同班0既同學又唔熟，以前0既同學又要返工，雖然做義工0既中心都有好多朋友0黎，但係始終分享唔到「畢業」果種興奮0既感覺。

始終，佢0地都唔係同我晌紅磚牆下共同作戰0既伙伴。

但開心0既係，原來大家都係未變過，雖然年紀大0左、心態成熟0左，但仍然同三年前一樣，鍾意玩、夠膽玩，所以今日真係過得好開心；甚至覺得，自己期待但又錯失0左0既時刻，又再返0左0黎。以前我諗住，就算讀完degree，我都只係會同屋企人影畢業相，但係經過今日，我相信他日我影畢業相，都可以再一次享受返今日咁開心0既時光0既！

除0左影相，仲有好多開心0既事，例如我晌小kit妹子0既朋友到收到一個消息：NANA入面阿泰抽0既雪茄煙BLACKSTONES，香港都有得賣呀！雖然我一定唔會剃光頭，但係晌機舖好似阿泰咁叼住呢隻煙打鼓，我諗都會幾型。小kit妹子呢個朋友，都扮得幾似真一，唇上面有唇環，又戴住個UFO型0既鍊。我問佢係唔係扮真一，佢話：「唔係呀，我扮緊阿June(佢自己個名)。」我like佢呢個答案！

是日金句：「在這山，望那山，一事無成。」(by里奧)