21-10-05

今日係我做替工0既最後一日，因為新同事Wing已經返0左成個星期0既工。原本社工老細plan我去教阿Wing做0野，但係老細編個更期編得非常之好，日日阿Wing返工我放工、我放工阿Wing返工，係得今日一齊坐晌office，仲要今日勁多0野做，計計埋埋得一個鐘去教，真係吹漲……

不過以前我去做果時，都係自己慢慢摸上手0架啦，加上我都算好用心機咁，打0左好多唔同0既工作程序俾阿Wing，我諗佢都睇得明0既。

不過其實對於阿Wing，我0地都係諗住佢做得唔長，因為佢都仲讀緊書，一個星期要有四晚返學，以前我一個星期返兩日工，社工老細都牙痛咁聲，話好難編到更，而家阿Wing返四晚學，就更加頭痛。不過我就好衰咁諗：抵佢死！

今日社工老細都有問我：如果有同事AL而又有需要，我可唔可以返去幫手做替工。我答佢：如果有時間咪返囉！不過我心諗：我返0左十個月，都未聽過有同事放AL要請替工，佢咁講咪即係諗住阿Wing做得唔長囉！

放0左工約0左小晴、未來外母同小晴0既妹子玲子行旺角，不過佢0地都行左成個晏晝，所以我出到去同佢0地食0左少少0野，就搭車返屋啦。

真係估唔到，阿Wing竟然係第一個見到小晴真人0既同事，因為佢今日又係約0左人晌旺角，所以就見到啦。