04-10-05

早幾日同社工老細頂到咁”行”，其實我諗住係得把口，之後又死死氣去返工，點知尋日返到馬會，d同事話我晌馬會個頂頭大老細顏小姐(我0地叫佢大姐)調職(呢輪咁多人調職0既？)，要搞返個歡送會，大姐旗下五間投注站0既人都會0黎。時間，咁arm就係13號晚。

開頭我都諗住唔去，梗係返工要緊，後來諗諗0下，你做初一我做十五，駛咩對你咁好？於是打電話返院舍，話13唔返夜晚，因為馬會個大老細調職，要搞farewell。聽講社工老細聽完電話之後即刻黑面，話我玩0野。超！就算玩0野又點，吹咩？替工返到就返，返唔到就唔返0架啦！

啟示(一)：做人唔好去到咁盡，世事難料。

啟示(二)：幾時都要知道咩人可以得罪，咩人唔得罪得。有d人，鍾意玩你就玩你，吹咩？