23-09-05

今日係我晌院舍0既最後一日長工(下個星期開始我係以替工身份返工)，諗到以後唔駛再用必恭必敬0既口吻去對住個社工老細，真係人都醒神d；偏偏老細個腦真係細，未洞悉到我「已經唔多駛睇佢面色返工」呢個point，仲用返以前「黑白天哦」0既方式講0野，結果俾我炮轟0左幾輪。

Round 1
老細：「你記得交低埋條locker鎖匙俾我0窩，唔係你又要走多轉返上0黎0架啦！」
我：「我下個星期都返0黎做替工0架啦，我今日俾妳，妳下個星期咪又係要俾返我……」(跟住佢即刻冇聲出，行開0左)

Round 2(round 1之後，老細行返入office)
我：「d職員証呀果d駛唔駛俾返妳呀？」(locker匙就話有用0者，嚴格0黎講我都唔算係正式職員啦，職員証係應該俾返0既)
老細：「果d唔駛住，遲d先都得！」
我：「哦！」(跟住就繼續執檯)
(食完lunch之後……)
老細：「少明你記得俾返d職員証呀醫生卡呀果d我0窩！」
我：「哦，好呀！」(但係心諗：頭先又話唔駛俾……)
老細：「唔係而家，我提你0者，唔係你又要走返上0黎就唔好啦！」
我：「姑娘我下個星期、再下個星期、再再下個星期，同再再再下個星期都要返工0架！就算我唔返都唔係即日唔返，我總要走上0黎0既！」
老細：「我……我即係咁提0下你0者。」
(過0左冇耐……)
老細：「少明你記得俾返d職員証呀醫生卡呀果d我0窩！」
(聽完我即刻將職員証同醫生卡放晌佢檯面)
老細：「唔係而家，我提0下你0者……」
我：「姑娘我見妳催得我咁─急，我以為妳『即刻』要tim！」
老細：「唔係，我提0下你0者……」

Round 3
(我晌社工老細檯面見到張更期)
我：「姑娘我十月二號唔返得工0窩！」
老細：「係呀，咩事呀？」
我：「返工，返馬會。」
老細：「咁仲有邊日唔返得呀？」
我 (指住9/10、16/10同22/10) ：「呢日、呢日同呢日！」
老細：「我諗諗先，等我諗諗佢0下……」
(跟住老細編完更期之後……)
我：「姑娘我16/10唔返得0架0窩！」
老細：「我知0架，但係都要咁寫0架。」
我：「0拿咁妳話0架，我果日唔返0架啦！」
(嘩，同以前低聲下氣叫佢俾我調更返工差幾遠呀！)