22-07-05

晌好耐好耐之前，我睇0左一次梁詠琪演唱會，果次係一個四面台，我感受到全場目光都集中晌Gigi身上，果一刻我好羨慕佢。無他，每個人都想得到他人0既注意、成為眾人0既焦點，結果有一段時間，我成日希望可以做明星。但係最後我都知道，世上只可以有一個William Hung。

但係後來我先知道，原來要成為眾人0既焦點，唔一定要晌舞台，就算晌日常0既工作環境，都可以做得到。例如每次開小組，所有0既組員，都會將集中力注意晌工作員身上；而工作員0既角色，有時同明星都唔係有好大分別─反正，大家都係要晌特定時間空間內，拎出一套事先預備好0既材料出0黎，令參加0既人有所得著。

今日亦係我第一次做d都算中型0既活動，就係院友大會啦。幾乎全院0既院友都會出席，而因為我0既失誤，搞到得幾日時間準備(其實係我唔記得0左由我負責)。而且今日係院長第一次臨場監督我做活動，所以特別緊張。好彩完0左之後，院長都俾0左個好評我，佢話我有一個好好0既優點，就係一d都唔怕醜，好肯同院友玩，亦幾有幽默感，佢仲話只要我肯俾心機去做，將會成為一個幾吸引人0既worker。呢輪成日俾人省，今均都算做返齣算中等0既戲啦。

老實講，返工，都係做場戲，娛樂老細0者！