10-07-05

估唔到今朝叫我起身0既，唔係鬧鍾，而係電話。

今朝原本係返七點本，咁應該較好0左個手提電話0既鬧鍾六點響，但係我完全聽唔到。到0左八點幾院舍d同事見我仲未返工，就打我手提啦，我尋晚又熄0左個聲0窩，於是佢地就打俾我老細，由我老細打去我屋企。當我聽到電話響，再望0下個鐘，九點八，心諗：「呢個時候我唔係應該返0左工0架啦咩？點解我仲晌度0既？」跟住就知自己出事啦，啦啦臨聽0左個電話，同老細解釋一番(我梗係唔會話自己訓過龍，我話個鬧鍾半夜冇電)，之後五分鍾極速刷牙洗面換衫拎袋出門口。返到院舍arm arm十點半，護士阿詩開完小組出0黎，笑住咁話：「嘩，真係早晨0窩少明……」唉……

下晝同我同post 0既梁姑娘返0黎，講返今朝件事，佢話我老細都有打過膩佢，仲問我尋日放工有冇講過d奇怪0既說話，嚇到梁姑娘以為我自尋短見……咪玩啦，唔知醒起身0者……

夜晚返到屋企我梗係唔會講今日遲0左咁多，只係話差d遲到，點知明媽話：「係呀我今朝聽到你鬧鐘響呀，不過冇叫你之嘛……」明媽……(-_-“)