20-06-05

有d人，你日日見到佢起碼八個鐘，但係都可以相對無言；另一d人，你唔係成日見到，但係一見面就可以雞啄唔斷。我院舍0既同事係前者，三妹小明就係後者。

不特不承認院舍0既同事係好錫我0既，但有時真係將我當0左係個細路仔，因為有超過九成0既同事0既年紀都同明媽有返咁上下，結果某程度上我都當0左佢0地係auntie。你會唔會同d唔係好熟0既auntie講d私人事0丫？

夜晚同小明妹子去打機兼dinner，佢話心情唔係太好0窩，咁就arm啦，旺角有幾部拳擊機，專門俾人去發洩，咁arm我都心情都唔多好，兩蚊四拳一人打兩拳啦。小明妹子打完之後，分數係5678，計得咁準？打第二拳，又係5678！之後佢打0左幾拳，都係5678。可能，5678係最低0既顯示數值。

發洩完就梗係要去補充體力，旺角可以去0既、又適合傾計0既地方唔多，最後我帶0左小明上去full cup café(寫日記果時先醒起，呢間0野唔知仲係唔係無牌經營)。雖然dinner係得一款，但味道總算比樓下0既Paris zone 8 cafe好好多。

近來佢真係有好多唔開心0既事煩住佢，做阿哥0既當然要同佢諗掂，有一刻我發現自己係用0左唔少社工面談0既skills。雖然實習完0左之後差唔多三年冇做過case，但係，都唔係退步得太緊要。

成晚就晌full cup café，聽住衛蘭0既歌0黎傾計，唔覺唔覺又係趕尾班車0既時候，惟有埋單走人。落樓0既時候，直到而家，我都有樣0野諗唔明：點解衛蘭翻唱《一夜傾情》，會好聽過原唱0既黎明？