17-05-05

前日係佛誕，所以我0地嗇色園旗下0既一間老人中心搞0左個旅行，去大嶼山睇大佛，我0地院舍都有「老友」(晌到住0既人)參加，所以我0地都有借將出去帶今次0既旅行。

以前做中心果時我都帶過去大嶼山，但係上次辛苦好多，一來人手唔夠，二來自己係負責人，事事都要留心；今次我只係幫手，所以某程度上都算係玩埋一份。

入大嶼山就要由東涌搭巴士行山路上去，果條路以前我覺得都係一條路0者，冇咩特別；今次行就唔同講法啦，全程感受到果種「九曲十三彎」0既感覺，因為近來愛上0左玩隻賽車game「灣岸midnight」，其中一條山路，就好似入大嶼山呢條咁，晌個game度，我用0左成三十蚊(即係玩0左六次)先贏到……

行到一半，個電話突然間收到信息，原來係個電話轉0左去「中國移動」……拿拿聲熄0左個電話，唔係因為漫遊費貴，而係避免收到帳單0既時候，要解釋我做咩會上0左大陸……

但係捱0左咁耐車程，去到大佛下面竟然睇唔到個佛！因為果日天氣實在唔係太好，搞到成個佛都俾d霧遮住0左，唔好話影相，連我去到都睇唔到……唯有影架大嶼山獨有0既藍色的士留個念啦！

回程0既時候去大澳行0左陣，d參加者又買咸魚又買蝦膏，我就企埋一邊睇住佢0地，我都有0野要搵0既，但係我都知一定唔會有，就係─「龍頑駄無」啦！明知冇都要去搵？係呀，咁先貫徹我「晌全香港都搵過」0既說法嘛！