07-04-05

等到同小晴一齊放假啦！今日我0地0既節目係行街，不過唔係普通0既油尖旺區，而係元朗。小晴成日都同我講，鍾意去d平時少去0既地方，因為唔知有d咩晌果度，好似探險咁。我都想去0既，因為我想晌呢d舊舊0地0既地區搵我想要果隻模型，所以我0地食完飯就晌元朗四圍行。

其實我0地都係沿住條元朗大馬路一直行，由豐年路輕鐵站開始，途經康樂路，晌大棠道轉0左入一個唔算係大街0既地方。呢個時候發生0左以下一段對話。

小晴：「0黎度元朗不如去食B仔涼粉0丫！成日都聽到都未食過……」

少明：「好呀，但係我唔知晌邊度0窩……」

小晴：「0下我都唔知呀，凈係知間舖頭叫X記。」

少明：「X記……點搵呀？(此時少明將個頭轉晌右)咦呢到有間叫X記0窩！」

小晴：「係0窩咪係呢間囉……牆上面仲有d報紙tim，記住呢間0野個地址……但係點記呀？」

少明：「0拿我地面對住個西鐵站，左邊就係大馬路，右邊就係X記……」

小晴：「咪住……大馬路呢度咪有間馬會囉，頭先我0地先行完0黎……」

咩叫做遠在天邊，近在眼前咪係呢d囉……咁大間馬會做路標都唔識搵，仲懶醒咁左邊係咩右邊係咩…… -_-#

但係最後都係留返下次先吃，因為……太飽啦……

繼續行0既時候，我0地見到圖中0既元朗匯豐大廈，但係我0地都好奇怪，呢棟0野0既地址竟然係「青山道150-160」。青山道？我0地唔係行緊元朗0既咩？幾時出0左青山道0架？