04-04-05

自從中學開始，我就鍾意砌BB戰士模型─果d用高達做藍本、頭大身細0既公仔─全盛時期屋企有幾個系列。後來屋企裝收，冇位擺所以俾晒我表弟。但係近日晌yahoo拍賣場，竟然見到以前好舊好舊0既幾個系列，雖然我一向都唔多信晌網上面買0野，但係終於都係忍唔住手，bid 0左。

前幾日放早去交收，發覺原來網上面賣0野都唔係想像中咁唔可靠0既，我晌三個賣家度買0左四個模型，盒係有少少舊，但係部件都齊、價錢又俾出面平少少(雖然計埋出去0既車費可能又會貴dd，但係我出到去都有自己行街同探朋友0既)，最緊要係唔駛自己去四圍搵。Internet將世界縮細0既又一例証。

連續買0左十幾副模型，到今日off先有機會砌，一口氣砌0左三副，算多0架啦，如果唔駛上色速度仲快呀，不過唔上色又唔靚0既，砌0黎都晒氣。望住d完成品，發覺俾自己以前砌果d靚好多，起碼有心機去上色先0丫。

不過搵0左好耐，都係差兩隻未搵到，一隻叫「二代目頑駄無大將軍」(但係我好懷疑呢隻有冇出過，因為原著漫畫話呢隻好早就戰死0左……)，另一隻叫「龍頑駄無」，呢隻我好肯定有出過，因為上年底我先見過有人bid 0左，但係而家搵0左好多地方都冇……

係啦，我會將我砌好0既模型放上網，大家俾d意見我0丫，相簿address係http://hk.pg.photos.yahoo.com/ph/suzuki_hikaru/my_photos。

p.s.相片入面0既「頑太無」，正寫應該係「頑駄無」，因為yahoo相簿load唔到「頑駄無」，所以要用「頑太無」代替。