呢幾日,我又開始發返一d好複雜o既夢

好似前前日,發夢我去阻止一個女人去散播一種病毒,有少少似"12 monkeys"咁,不過,我覺得好奇怪係,我身邊有班人,但佢地都唔出黎阻止,只袖手旁觀,直至我叫佢地幫手,現實中其實就有好多呢d袖手旁觀o既人.

琴日發夢,想搵間鋪頭,但搵唔到.我已經唔止10次夢到自己去搵一個地方,一間鋪頭,或者去搵一個人,但搵極都搵唔到,不其然諗,係咪我人生中有d野係我總覺得缺乏,而我又搵唔到,"i still haven't found what i'm looking for"...

原來唔止我一個會咬自己,不過我點都夠呢個新朋友咬自己咬得勁,我至少咬自己時覺得痛,會停,但佢咬到自己滿手牙印,而且已經唔覺得痛,佢點解要咬自己?同我一樣,因為身體上面o既痛可以平衡返心入面o既痛.

星期日,送左schneider,sharon,nigel,yvonne,paul佢地機,一個一個咁走,香港呢個地方,我唔會唔捨得,唯獨係我認識o既人,我會唔捨得,擔心屋企人會成日掛住我,唔捨得班fd,唔捨得班同學.

其實有d人好似冇朋友,或者少朋友,唔一定係因為佢份人有問題,有時係人地當佢係朋友,佢唔當人地係朋友.我自命唔係多朋友,但我冇敵人,而且我覺得自己好幸福,因為呢一刻身邊熟絡o既朋友都係好人,個個都識分是非黑白,我好開心自己有欣賞人地優點o既能力,就算有d我識o既人比人覺得騎呢,但如果佢心地好,對我有善,我好樂意同佢地傾偈,唔好以為佢地傻傻o下,乜都唔知,其實佢地知道邊d人對佢地好,邊d人嫌棄佢地ga.

多謝會睇我dairy o既人,多謝你地 :)