12:52 AM
從未試過咁痛, 痛左成粒鐘先訓得返 :(

其實佢有時都可以好細心o既 :)

11:45 PM
一向係心軟同念舊o既我, 成日羨慕人地點解可以咁決斷,咁決絕. 我呢個人連掉樣陳年舊野都唔捨得掉, 何況係放棄或者忘記一個人, 對我黎講實在太難. 最近嘗試去放低一d野, 從最簡單處著手, 例如掉左d舊野, 如果懷住一個心態係: 樣野第時有用, 咁我就會成屋野, 有d野我呢一刻唔會用, 之前有段時間已經冇用過, 就應該唔好再留. 一d朋友我搵佢地, 但佢地冇乜理我, 就唔好再搵喇, 佢地如果當我朋友, 早就搵左我啦, 唔搵我o既, 次次都係我夾硬約佢地, 仲要之後放左我飛機, 呢d人搵黎做乜丫. 一d敷衍我o既朋友, 佢地肯出黎見我又點丫, 態度冷淡, 佢地同我有幾朋友, 心照啦! 雖則我而家改變緊, 但條路仲好長, 一定要受過d教訓先至會醒悟. 要決斷? 有排學呀!

人真係犯賤, 係要罰你$1500先識驚, 今日出街睇o下, 條路真係乾淨左. 咩教育丫, o徙氣, 教左幾廿年, 如果教到o既, 就唔洗而家罰到咁重d人先聽話啦!