今日落好大雨...
原本以為同亞charles食飯,不過佢唔得閒.
所以去左搵亞韜,教佢法文教左一陣,佢成日串錯字,真係笑鬼死,教完就同佢傾左陣,佢話我講有樣野好有道理,就係話"中意一個人唔代表要依賴佢",其實我唔覺有咩道理,只不過係我一向都咁諗,另外佢又話我好聰明,好識諗...但講講o下就越來越灰,有時識同人諗,但又唔識為自己諗,真係有d辛苦,後來佢又要走.
坐o係度,覺得個心好痛,淨返一個鐘,都係查o下字典,以為charles會打黎,點知冇,眼濕濕,不過還頂得住,之後上堂都好正常,始終要收拾心情.
放學,佢竟然打黎,真係冇諗過,都幾開心,有佢陪我返屋企,不過o係地鐵度都唔係太開懷,一直都好靜.到上左巴士,傾開去法國d野,唔好以為我淨係因為佢先至想去東部,而係我一早已經對東部有種感覺,由year1個第1個sem讀左兩個月左右,madame li介紹法國開始,我已經諗定第時會去東部,我真係唔想比人迫去1個我自己唔中意o既地方讀,但揀地方已經困擾左我好耐,一日未confirm我,一日都仲覺得好煩,尤其知道agasse只係搵左幾個同學去persuade,我覺得好唔fair,所以傾傾o下我個心就灰晒,靜左,冇再講野.
落左車,我依然灰,雖然我同佢講話我冇野,但個樣完全呃唔到人,我已經再pretend唔到,o係18樓,我終於忍唔到,僕o係佢度喊左出黎,於是佢陪我落樓下坐陣,問我咩事,我終於將呢一年唔開心既野一路喊一路講比佢.
佢講得o岩,我成日會為一d唔fair o既事去怒氣,又成日將自己同人地有o既優點比較,覺得自己好不足,但另一方面又將自己同d慘過我o既人比較,覺得人地捱到,自己捱唔到,所以自己好冇用,比左好多壓力自己.但係,我又覺得將自己d唔開心野話比人知會煩到人,於是o係人面前扮堅強,但面對自己時,忍唔住喊又覺得自己好懦弱,佢唔分析比我聽,我都唔知原來自己一直都朝住一個咁唔健康o既方向去諗野.
佢一路安慰我,雖然佢唔係完美,但原來佢係咁識諗,又咁識為我諗,佢原來可以咁細心,真係要多謝佢.
講完之後,一身鬆晒
我o既眼淚乾左,雨亦都停左.