呢次貝澳之旅, 有幾個字可以形容 - 沙灘, 食, 沙灘同埋食.

貝澳個灘傍晚時暗暗o地都仲幾靚, 但係朝早訓醒個樣就麻麻o地見得人, 不過依然好中意吹住海風晒住太陽o個種感覺, 梅窩個灘就真係靚喇, 其實都好想落去行, 不過見d fd好似唔多想落去, 望梅止渴算. 如果可以的話, 我想嫁比個海灘

離營時其實有dd感觸, 記得對上o個次去貝澳宿營已經係一年前同我前度去, 都係住老圍村, 其實都認得d士多, 個田同海灘, 不過而家諗返起好似已經隔左十年咁, 感覺好奇怪.

離開大嶼山, 趕返尖咀去睇"不羈超現實二", 竟然撞到煒煒, 佢剛剛睇完"不羈超現實一", 我問佢好冇睇, 佢話有d悶, 然後佢女朋友話唔睇冇損失. 傾左幾句就開場喇, 睇下luis bunuel有幾不羈, 有幾超現實. 其實"le chien andalou"都睇過o下, 不過冇認真咁睇, 但由於去完camp太累, 黑白默片情況下, 真係好眼訓, 有一兩秒真係訓著左, 不過幾令我諗起jean cocteau d戲. o係精神不振下睇埋l’age d’or更加慘不忍睹, 完全投入唔到, 好似o係度捱眼訓咁, o徙左套戲, 不過世估唔到luis bunuel早期d短片超現實到有點抽象, 有d位真係幾好笑o既.