感謝無情人

作詞：許常德、吳梵　作曲：吳梵

別人苦勸離開你，那無命早晚無去，偏偏阮不知生死，一錯再錯夢破碎。
阮的山盟無後悔，你的海誓算啥物？放阮情海在泅水，海水一嘴吞落去。

啊！感謝無情人，傷阮是傷這重，逼阮對愛絕望，做一個無心的人。
啊！感謝無情人，變心擱來相送，往事一站一站，抹凍擱去愛別人，你才甘願。

一段情到此為止，詛咒的心已經死。
無情的人，請你趕緊離開，是你教阮，疼你疼袂入心。

病子歌

正月算來囉桃花開，娘今病子伊都無人知。君今問娘囉要食什麼？要食山東香水梨。
要食我來去買，你買乎我食，哎唷俺某喂！

二月算來囉田草青，娘今病子伊都面青青。君今問娘囉要食什麼？要食枝尾桃仔青。
要食我來去買，你買乎我食，哎唷俺某喂！

三月算來囉人播田，娘今病子伊都心艱難。君今問娘囉要食什麼？要食老酒這大瓶。
要食我來去買，你買乎我食，哎唷俺某喂！

四月算來囉日頭長，娘今病子伊都面帶黄。君今問娘囉要食什麼？要食仙草滴白糖。
要食我來去買，你買乎我食，哎唷俺某喂！

五月算來囉人扒船，娘今病子伊都心憂悶。君今問娘囉要食什麼？要食五香雙糕潤。
要食我來去買，你買乎我食，哎唷俺某喂！

六月算來囉碌碡天，娘今病子伊都倚床邊。君今問娘囉要食什麼？要食新出紅荔枝。
要食我來去買，你買乎我食，哎唷俺某喂！

七月算來囉是普施，娘今病子伊都心碍碍。君今問娘囉要食什麼？要食豬肺炒鳳梨。
要食我來去買，你買乎我食，哎唷俺某喂！

八月算來囉是中秋，娘今病子伊都面憂憂。君今問娘囉要食什麼？要食麻豆文旦柚。
要食我來去買，你買乎我食，哎唷俺某喂！

九月算來囉九葡萄，娘今病子伊都無奈何。君今問娘囉 要食什麼？要食羊肉炒黑棗。
要食我來去買，你買乎我食，哎唷俺某喂！

十月算來囉人收冬，娘今病子伊都腹內空。君今問娘囉要食什麼？要食麻油炒雞公。
要食我來去買，你買乎我食，哎唷俺某喂！

桃花過渡

正月人迎尪囉！單身娘子守空房，嘴吃檳榔面抹粉，手提珊瑚等待君仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

二月立春分囉！無好狗拖提渡船，船頂食飯船底睡，水鬼拖去無神魂仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

三月是清明囉！風流查某假正經，阿伯宛然楊宗保，桃花可比穆桂英仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

四月是春天囉！無好狗拖守港邊，一日三當無米煮，也敢對阮哥哥纏仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

五月龍船鬚囉！桃花生美愛風流，手拿雨傘隨人走，愛著緣投無尾揪仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

六月人收冬囉！無好狗拖提渡人，衫褲穿破無人補，穿甲出汁遂生蟲仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

七月樹落葉囉！娶著桃花滿身搖，厝邊頭尾人愛笑，可比鋤頭掘著石仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

八月是白露囉！無好狗拖提橫渡，要吃不作叫艱苦，船杯打斷面著黑仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

九月紅柿紅囉！桃花生美割吊人，割吊阿伯無要緊，割吊少年先不通仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

十月十月燒囉！阿伯憨想阮袂著，日時貪彈無人叫，暝時無某睏破蓆仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

十一月是冬節囉！大腳查某假小蹄，八寸鞋面九寸底，恰大阿伯的船杯仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

十二月是年宗囉！精粒做粿敬祖公，有尪有婿人塊爽，阿伯你著誅冬風仔伊都。
咳仔囉咧咳噯仔囉咧噯，噯仔囉咧噯仔伊都，咳仔囉咧咳。

勸世歌

我來唸歌囉，呼恁聽噫，不免卻錢啊免著驚呀，
勸恁做人著端正，虎死留皮啊人留名唉。
講甲當今囉的世間哩，鳥為食亡啊人為財死啊，
想真做人擱著嗨嗨，死從何去生何來咿。

咱來出世囉，無半項哩，空手戽魚也攏相同唉，
勸恁做人著打拼，惡毒害人啊仙不通唉。
講甲人生囉著愛想噫，忠孝做人啊有較長唉，
榮華富貴不通想，總是命運免憂愁咿。

我叫朋友囉，著做好哩，人生做人啊那眠夢唉，
勸恁做人著志氣，小小生理啊會賺錢唉。
講甲事業囉百百款哩，恁那勿嫌啊怎艱難唉，
我勸世人做好代，打拼的人會發財咿。

心事誰人知

作詞：蔡振南　作曲：蔡振南

心事那沒講出來，有誰人會知？有時陣想要訴出，滿腹的悲哀。

踏入七逃界，是阮不應該，如今想反悔，誰人肯諒解？

心愛你那有瞭解，請你著忍耐，男性不是沒目屎，只是不敢流出來。

流浪到淡水

作詞：陳明章　作曲：陳明章　編曲：China Blue

有緣，無緣，大家來作伙，燒酒喝一杯。乎乾啦！乎乾啦！

扞著風琴，提著吉他，雙人牽作伙，為著生活流浪到淡水。
想起故鄉心愛的人，感情用這厚，才知影癡情是第一憨的人。

燒酒落喉，心情輕鬆，鬱卒放棄捨，往事將伊當作一場夢。
想起故鄉，心愛的人，將伊放抹記，流浪到他鄉，重新過日子。

阮不是喜愛虛華，阮只是環境來拖磨，
人客若叫阮，風雨嘛著行，為伊唱出留戀的情歌。

人生浮沈，起起落落，毋免來煩惱，有時月圓，有時也抹平。
趁著今晚歡歡喜喜，鬥陣來作伙，你來跳舞，我來唸歌詩。

有緣，無緣，大家來作伙，燒酒喝一杯。乎乾啦！乎乾啦！

再會啦心愛的無緣的人

作詞：熊天益　作曲：熊天益

春雨像彼齣過去的夢，有心人故意乎淋，已經嘸願擱在期待，傷心人無目屎。
總是阮多情啦，甲呢軟心肝，這無奈的感情才會無來無煞。

秋天的黃昏日頭落山，有心人金金甲看，若是伊對阮攏無愛，傷心人無目屎。
總是阮多情啦，遐呢軟心肝，這無奈的感情才會無來無煞。

到擔算來十外冬，等待花蕊也袂紅，原諒多情的我，愈想越嘸願。

再會啦！心愛的無緣的人，若無愛石頭嘛無採工，
過去像一齣憨人的故事，無聊的夢。

再會啦！心愛的無緣的人，六月的茉莉遐呢仔香，
祝福你親像春天的花蕊，遐呢仔紅。