2005年 3月 8日 星期二


今朝早上去搭車的時候撞到見到 阿飛, um, 都好耐無見過佢同埋阿基同埋團契的人了. ~

早上返到去 Fax 我的 termination letter 俾 文慧, 佢話又用黎做功課, 無所謂la. 佢昨晚 icq 問我做咩留住封信, um, 又係wor, 點解我會留住呢, 當做紀念la. ~

返到 office 做野做到大約 10:30, 就要出去效文件了. 首先由尖東去上環永樂街, 之後再去左中環干諾道中, 點知去到發現要蓋公司印, oh … 要返返 office 了. ~

Lunch 食飽後 13:30 度訓左一陣, 13:45就再出去整野. 去左長沙灣運輸署攪車牌果 d 野, 15:00 攪掂再去尖沙咀好少年行拎票, 之後返到尖東去左麥當奴買左個雙層芝士孖寶, 好味, 之後 16:00 到返到 office 做野了, 如果日日都係咁都唔錯呀. ~

放工後 張文儀 話一齊去食 dinner, 本來叫埋 Redman生, 不過佢屋企留左佢飯, so 去到新城市佢就走了. 我同 maggie 去左新城市的味千拉麵食野, 即係我同 康仔 之前食果度呀, 真係好味呀. ~

今次我地食左兩個拉麵, 三個小食, 兩杯野飲, um, 好 full 呀, 越黎越鍾意食味千啊. 之後行左一陣好運就行路回家. 我終於拎左佢之前去美國買的手信俾我了, 係一件黑色 T_shirt, 雖然大左小小… 不過我都鍾意呀, 著硬呀, Thx.

返到屋企即刻落去樓下球場了, 秀榮 約左去踢波呀, 杜文都有去啊. 好耐無係博文踢波, 真係覺得好細啊個球場, 踢到 22:45 回家, wa, 返到屋企沖完涼發覺成身無晒力, 好倦呀! ~

唔知係唔係星期日係灣仔修頓踢波踢得太激, d 倦意而家先傳黎, damn… 聽晚放工又係返灣仔果度有波踢呀, 唔上咁耐網了. ~

我發覺我開始病病地, 全身無力, 又發熱發冷, shit… ~


Eric 於 2005年 3月 9日 零晨