今日係我堂哥結婚,堂哥就差唔多真係親阿哥咁

但係唔知點解,今日去到戈時

覺得好唔知點咁,又好魚

根本無人傾得埋,又自己一個坐係到on居居咁

又想影下野,但係個個都拎著部數碼相機

搞到我都唔想意思攞部750出黎影

跟著就係d人唔為意戈時攞出黎影左兩張

又想影我堂哥喎,因為佢實在係太靚仔啦

可能佢係混血兒ge關係

佢真係好靚仔,今日就特別似王子

可惜都係影唔到,實在太咩啦

好彩之後見到我戈個跳皮阿叔

佢就幫左我,叫左我堂哥俾我影左張相

超開心

佢係海港城到擺酒,超有錢,個會場又靚

我就係到諗,我几時到好似佢咁

几時結婚呢,結婚戈時會唔會好似佢咁擺得咁正呢

我堂哥就好,又有錢又靚仔

點解喎,大家都係流著同一樣ge血,點解佢可以天生麗質,又白又滑