森Blog任你點…
想當年…有很多電台節目都有點唱環節～時至今日都已經好少聽到有人點唱～雖則話以前好興點唱，但我又未試過打去電台點唱！
嚴格嚟講，森Blog都屬於一個懷舊Blog，很多懷舊的情與事都可能在森Blog搵到……適逢近排又冇咩好寫，所以出返篇：森Blog任你點，想睇咩內容就可以點阿森伯寫，聽落都幾吸引…但又冇咁容易喎～～
不如畀大家估吓嘢！！猜中答案嘅…你話寫咩咪寫咩囉！可能你會話我對森伯啲Blog冇乜興趣，純粹當係遊戲玩吓估吓又得！
其實有留意森Blog的都知，森伯平時都有玩賞石頭(都有十年lu)，當然唔係路邊拾幾舊石頭又話玩賞啦！係晶石，有啲晶石好似毫不起眼，但亦有它的觀賞價值…
唔知大家又知唔知呢舊係咩石呢？！
其實呢種石在晶石界都有名，唔屬於冷門石，唔好睇佢黑黑一舊石，但原來佢係觀賞石，要估就係估佢常叫的名稱(可以網上search為準)，如果咩學名、別名、俗名…呢啲就唔算～估中就可以畀個Blog題森伯寫，咁當然要係出得街架啦！(例如健康養生、畫藝共賞、兒時拾趣…)唔出得街嗰啲就私底下聯絡…XXXD不過森伯份人好公平、公正、公開嘅！如果做嘢做到悶悶地不妨試吓估…
一日時間，明天揭曉…
-----------------------------------------------------------------------------------------
揭 曉...
喱顆石話明係觀賞石，亦係一個貼士，應該都會有顏色，只要將佢少少傾側轉轉，就會見到好靚的燐光！可以好肯定咁講實物的色彩靚好多…喱顆就係有名的──拉長石，佢仲有另一個名叫光譜石，有光就見到顏色…
據講佢有助消除疲勞功效，用呢舊按摩石捽一捽就會冇咁痠痛，我諗其原理在於血液循環…晶石療法都係自然療法的一種…
只要在網上搜尋打──拉長石就會睇多更多呢種寶石的資料及圖片～～
最後都要多謝每位Blog友的參予～
熊仔
好耐冇入來. .完全忘記了點睇點搵番森仔最近一篇. 唯有是但寫.. 希望森仔睇到啦.. 連哩度都要拆 ?
版主回應
熊仔你好，我在google blog寫了好一段時間，有興趣的話你也過來看，ykk也會來森blog留言，因為PChome呢度太多廣告，而且每隔2分鐘就彈出廣告…所以有點吃不消……希望有個安靜少少的空間寫blog…
百厭仔與為食妹
你係我識果個森源😳
版主回應
咩意思呢?!乜有第二個森源……
為食妹好耐好耐冇見嘞…最近跟百厭仔生活好嗎？!
我轉了另一邊寫blog，等到現在才見到你的留言，遲了唔好意思……
但都希望你們看到……
(悄悄話)
Ka Ka
拉長石的燐光真係好靚，又可以按摩，又可以觀賞，真係唔錯。
會唔會越按摩得多，燐光會越靚架呢？
親友都送過玉吊咀給我，越戴得耐顏色會越靚越通透，但，因為之前成日去游水，怕弄不見了，所以無再戴。
那拉長石價錢貴唔貴呀？買來送给人作按摩用途都幾好喎！
森兄寫乜我都會睇架喇！(忠實粉絲嚟架嘛！哈哈哈…)
版主回應
拉長石有亮麗的光彩，通常都打磨成首飾，至於次級少少就用來做其他物件，按摩石是其中之一…
咁我又唔知呀！因為用到呢舊按摩石按摩真係唔多，只是閒時當作手玩石用來觀賞～～
玉石的價錢一般都比晶石貴，而且越戴越好！你個玉吊咀咁通透，真係要好好保存！
如果係飾物的拉長石都幾貴，不過晶石的價錢好彈性冇標準…其實按摩石都係大舊啲的石春，若唔係指定要什麼石都唔難搵…
森兄寫乜我都會睇架喇--------KaKa講呢句就醒目嘞…底成為森Blog嘅最佳Blog友之一…
ykk
好了! ykk先點, 先問森兄, 平日放咗工後, 回家做D乜嘢. 不包括茹素及如厠 :)
版主回應
齋睇森伯個look都似悶棍樣啦！
其實放咗工都係一條蟲咋，同茹素或者如廁一樣…都冇人想睇，冇人想知…
搞一爺
又話任你點，下面係問可以點味->點未！詐詐蒂扮矇仔！
好多人都想老點森大叔（包括我），平易近人嘅森大叔應該徇眾要求，順應民意，唔會因為估唔中 而托手踭。
版主回應
哈哈哈…唔畀森伯真懵嘅咩~~邊有一爺咁醒目仔丫!!!!!!!
就算平時森伯份人平易近人, 有幾和譪可親都好, 至於會否托人手踭都要睇情況, 如果估唔到都可以點blog…咁就失咗呢個遊戲的意義, 第日都唔可以出呢招叫大家估嘢…
ykk
明白了, 咁! 可以點味呢!
版主回應
反而我唔明白...點咩味?!!
雖然今次冇人估中,但日後見到得意東西,再同大家玩吓,再點過...
基爾
嘩,原來係咁colourful咁靚嘅@@
版主回應
話係觀賞石都冇錯，實物仲靚最好放在較光的地方，色彩仲豐富……
搞一爺
OMG 起名人好唔掂當，一啲唔襯塊石頭。
原來唔係暗啞冇光，好似有魔幻力量識發亮，幾靚喎。
係咪同一舊石？轉個角度拍攝畀啲光折射吓就見到佢 隱藏內心嘅秘密。
拉長石帮森大叔拉長身體邊處呢！
網上見到呢段字：
「別看拉長石顏色深就覺得對桃花沒幫助，事實他對於發放個人魅力也有不錯的效果，可說是非常適合性格比較內向或者時常自我否定的人士配戴。」
又好啱森大叔喎！
版主回應
其實我都係咁諗…好多晶石古時已經存在，拉長石都有可能係古名，據資料講亦有做過皇帝玉壐，至於每種晶石起名都應該有佢嘅意思…
梗係同一舊石啦！你當森伯伯係超級大茅躉咩~哈哈…相中的拉長石係按摩石，質量唔係太高，如果你見到用來做飾物的拉長石會靚更多，唔需要靠光，已經可以見到耀眼的色彩…
話明拉長石，梗有啲部份拉長嘅……咪就係啲鬚根囉！一日唔剃鬚都唔得…XXD
你摷到呢段資料我又未睇過，其實好多種晶石都話增加個人魅力…得唔得真係見仁見智…呢舊石以按摩為主，應該唔會配戴……
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
謝謝新聞台的支持,把文章選為優質文章與圖片,稍後會到本日熱門圖文區看看!!希望日後你們仍多加關注...
stella luk
好似按摩時，放上身體上的熱石！當然一定唔係啦！我都係聽日黎睇答案算把！
版主回應
Stella果然有啲頭緒喎!!佢係一舊用來按摩的石塊,但係由乜野晶石所做呢?!!
基爾
森兄今次出條題目都幾深喎,在下對晶石真係完全無乜認識,不過聽聞有啲係可以放在枕邊幫助瞓得好啲嘅,會唔會就係喱種黑晶石呢???
點唱好似有點史前味道XXXD 點blog都未試過又好似幾得意喎,唔知森兄有冇興趣寫下運動操fit的心得,最好拍埋vlog睇下啦^^
當然如果係寫情史都唔拘嘅,不過我驚到時太長篇太豐富,會令森兄太勞累啫wakakakaka....
版主回應
話明點森伯寫Blog梗係深少少，又估唔到考到才子gael喎！！唔認識晶石的人，好難估，望落舊舊差唔多，但款款都有名堂架！！你都講得啱真係有啲晶石有助睡眠～不過就唔只一種晶石嘞…
森伯係古老人，梗係少不免摷返啲史前的東西來講啦！！通常博主寫咩，我哋就睇咩，有時可以點吓Blog又幾好，不過就未必有博主咁聽話嘞…
運動…操到fit一fit…最後仲要拍埋片…喱啲簡直世紀工程~~就算我肯PChome呢度都未必擺到片啦…XXXXXXD
要森伯寫情史怕悶親大家，你知森伯囉囉唆唆又長氣…兼且又冇蕩氣回腸，扣人心弦的情節喎！…XXXD
ykk
是否姻緣石呢喃 if so, please write about the 姻緣!
版主回應
其實在晶石的理論中，凡有關姻緣方面的石，會是紅色或粉紅色…
姻緣另一解讀可以講為：因由，因果的關係…要寫都幾高深吓~~
搞一爺
Wow 1D都唔識，係黑石春， 即係黑雨花石， 又叫黑瑪瑙 或 黑蛋白石。 大包圍當買六環彩呀！撞中機會唔大。
好想八卦吓 森大叔 嘅 情史、艷遇，飲奶茶 歎點森 事。
希望估中嘅人和議。
版主回應
先唔講你有冇估中…你咁大包圍法！！醒目就醒目…不過就頼皮少少…
寫森大叔啲情史，艷遇史，血淚史…呢啲乜史物史未仲奄悶！冇咩可歌可泣的情節喎…哈哈哈哈
飲奶茶，歎點森…呢啲反而幾好寫…
好耐冇入來. .完全忘記了點睇點搵番森仔最近一篇. 唯有是但寫.. 希望森仔睇到啦.. 連哩度都要拆 ?