2017-03-09 17:56:40森源
眼鏡喜歡藍…
森伯平時份人實務實幹，一向都唔曉「抽水」不過今云都要借奧斯卡得獎片「月光光喜歡藍」抽一抽水來起個標題…唔好再話森伯Out嘞…哈哈
言歸正傳…相信現今呢個時代，隨身電子產品已經融入生活，工作，通訊，消閒…統統都離唔開曉發光的螢光幕，發覺久而久之都幾傷眼睛，本來想買一塊螢光幕的filter，記得以前有過一塊不過現在又好少見，而且現今的螢幕較大，以前比較細，倒不如買副過濾藍光的眼鏡仲好，咁我又唔知要否正式去配副抗藍光眼鏡，只是簡單的買副來戴戴！試住先啦～～
呢副眼鏡話明可以過濾藍光，所以見到鏡片都有藍光…佢就話係日本設計而國內生產，戴上去見到景物帶點黃，可能就係靠這些黃光做過濾吧！的確對眼冇咁易攰，不過自己有時都忘記戴，所以唔係時時戴…
呢類眼鏡講實用，都唔需要計較有冇款，因為唔同墨鏡！我就揀個平實款（俗稱阿伯款）貪佢有森伯feel～～哈哈哈！
已經戴了好一段時間，我覺得當用電腦時戴，對眼比較舒服，減少一啲強光刺激，不過始終都係求其買來玩玩，而且鏡片都係塑膠製，要配一副正式聽講都幾唔划算，而且又唔知係咪有呢個必要呢！所以只係平時做嘢時先要戴～
“絕少”的意思是說…呢啲咁低層次的舉動，
聰明的人都不會做！kakaka~~~
其實~~都不是甚麼甜言蜜語/口甜舌滑嘅，是一種説話技巧而已，前題當然根據事實不能胡說喇!
(唔好以為我喺呢方面好醒呀!講就天下無敵，做就無能為力!哈哈哈~~~)
電眼~相貌娟好(總之自我感覺良好喇!kakaka~~~)這個要講聲"多謝爸爸媽媽!"
至於影相方面，真喺好隨意~~~
版主回應
哈哈，都係講吓笑…輕鬆吓嘛！其實又唔可以講低層次舉動，有時都可以畀對方顯示一種signal的方法，等對方都會意到…
通常甜言蜜語對情人講，口甜舌滑可以對任何人講～畢竟都係溝通技巧，出到嚟社會做事，溝通著重圓滑，目的都係想人際關係好啲咁多…
雖然完全未睇過你post過自己的相片，但我都係以感覺良好覺得kaka應該相貌娟好嘅…哈哈…至於影相在你的blog睇到已經好好啦！！ 2017-03-17 09:05:13
我真喺絕少用眼睛放電架！
通常…我會用甜言蜜語去迷惑人心！
wakakaka…😂😂
版主回應
絕少…即係話非電不可就會放出來啦~~哈哈哈咁邊個夠你揮呀…又有電眼，又口甜舌滑，又有影相才華…
而最…最…最難得KaKa仲要係…相貌娟好嗰隻喎~~~~ 2017-03-14 09:19:07
很棒的分享
http://www.pavilionup.com