又到暫別嘅時候…
唔經唔覺寫blog生涯已經踏入12個寒暑，唔簡單，十年人事幾番新嘛～又要同個Blog暫別一段若干時間，記得過往都有好幾次暫別，而今次都唔駛森伯長氣再講，之前幾篇網誌已有交代啦！！只係想專心一致切切實實去做些事！所謂時間有限（呢句真正森底話），而想做的事就無限，所以真係要好好把握僅有的時間！自己既然有了方向，就朝住方向行吧～
工作做得耐，都好應該間中休息歇歇，寫Blog都係同一道理！老土格言所講：「休息──為要走更遠的路」森老伯深明此道：所以每逢去街街都會坐低抖抖再行過…
希望到我再寫下篇網誌的時候，大家都仲在博客裡「健在」啦！
若然有人見到街上的長者們，忽然諗起森伯伯都可以在此留個言問候吓都得！見到我會覆，暫時唔寫Blog唔巡Blog…見諒見諒！
唔駛問啦…森伯伯當然會記掛各位友好們～一定會再見！！
kaka
森兄:
祝你萬事亨通,身強力壯!:)
版主回應
多謝KaKa專程走嚟向老人家拜年~~
我也祝你雞年豐足，想嗰樣就得嗰樣……
搞一爺
大🐓大利 如意🐓祥 發財添🐓（肌） 身體健康！
……就點都畫靚佢……多謝森伯用你神奇右手通過畫筆動大手術替我整容，唔駛去一轉泡菜國，真好。
版主回應
我都祝一爺心想事成，生財有道銀仔變大錢，肥肉減少肌肉發達…
新一年唔可以對自己某信心，一於畀張相森老伯畫靚佢…泡菜國留番買靚手信畀森伯啦～～哈哈哈
Ka Ka
森伯伯當然係Ka Ka組嘅成員喇！：D
因我最近比較忙,返工之餘還報讀了一個
短期課程，真的分身乏術，所以set咗唔比人留言的系統，免得沒時間覆博友的留言
(其實真正的原因是因為那課程要考試，
我唔想因上網而分心，想放多啲時間係學習上，唔想考試肥佬。：P)
暫時也不會開番那留言糸統住，因為明天剛剛是到新公司返工的第一天，要多些時間適應新工作，如時間許可也會再寫博的！：D
版主回應
咁你的生活都幾充實而且好勤力,希望你新工早日適應,不過適應一份新工,工作環境,同事相處,都要時間的慢慢來!!
你報考的是公開試嗎??暫時我這個英文試都要用多點時間去讀,差唔多無特定時間幾時可以去考!!有備而戰都只因唔想肥佬啫...
當你寫番新網誌同可以留言,記得單聲呀!!!
搞一爺
吓金雞！『套戲黎喎』
咁咪要畫幅 吳君如 笑迎春 畀我？等我睇著黎笑。哈哈哈！
版主回應
森伯只係知金雞又名錦雞，雉雞的一種～～
電影個金雞就畫唔到嘞～畫人像最渣斗！
但係有一爺個靚仔肖像相，就點都會畫靚佢……
Ka Ka
森兄：HappY New Year! :)
版主回應
謝謝你的元旦祝福!!
我都祝福KA KA新年進步,事事順利~~
點解你那邊不能留言?!乜森伯伯唔係KaKa組的成員咩?!!哈哈
基爾
Happy New Year~~~~~~森兄^^
版主回應
我都祝基爾兄新年快樂,心裡有什麼想的都可以在2017達成~~
謝謝你的除夕祝福!!
搞一爺
一七年快到 祝森伯伯
一帆風順 七褔臨門
學業有成 身體健康！
要劃七腳金牛賀新歲，腳頭好帶挈你我豬籠入水，一世無憂。
版主回應
我都祝一爺新年事事順暢,當然包括腸胃啦...繼續食得是福!!
明年是雞年,畫隻金雞差唔多~~寓意雞年有金又有銀嘛~~~~
謝謝你的除夕祝福!!
BIM
祝聖誕快樂
版主回應
謝謝BIM，我都祝你有個開心的聖誕同除夕夜…
你和Boss係同一人嗎？真有心，過節都不忘老人家…
搞一爺
個英文公開試個個月都有得考喎！
唔知森師傅閉關幾耐至肯下山再闖蕩江湖呢？
咁咪唔會好似馬年咁畫五隻腳金牛出黎拜年囉！
（五腳係深藏五福臨門嘅意境，好高深架）
版主回應
好似好耐冇同一爺傾過偈嘞…哈哈
係呀～～呢個試一年有幾趟，準備好先去考…不容有失嘅係---考試費！
或者等到二月再寫，把握呢刻的時間，做得幾多就幾多…
你又記得畫咗隻五腳馬，都係畀個馬字搞到亂晒，唯有多出的一隻腳畀大家有啲想像空間囉～當馬嘅其他部位又得，諭意為五福臨門，五代同堂亦得…森伯啲藝術好隨意～哈哈
Boss
等我唱先，🎼放下愁緒今宵請你多珍重...
版主回應
多謝Boss高歌一曲，雖則未聽真人唱…但已經畀滿分！！
狂小子Time Is Changing
珍重。
版主回應
森伯係長者,不如你唱番首:今宵多珍重~嚟聽聽
森
重點是你回來希望我也在ＸＤ
版主回應
這個當然喇~~希望大家都還健在,因為寫博客的博友越來越少...
基爾
希望我冇令你分心XXD
忙工作/溫書之餘,間中要休息下啊^^
版主回應
咁要睇下邊種分心先…哈哈！若然只係覆幾句又未至於~~
多謝提醒！我會架嘞，呢排幾攰有時咩都做唔到就上床訓…
基爾
唔寫blog係咪多咗好多時間溫書同做外快.....?^^
版主回應
gael兄咁遲先嚟架…
邊有外快做咁好景丫，暫停寫blog只係令自己可以尊心少少…
Boss
希望工作或新挑戰順利，保重身體。
版主回應
多謝Boss忙中也來為森伯打打氣~~
呢兩日凍了很多，大家都要好好保重…
ka ka
森兄: 生日快樂！祝你身強體壯！
(唔知過咗生日未呢？過咗就補祝喇！嘻嘻！:P )
版主回應
好多老人家都想生日低調處理, 森伯都唔例外…哈哈
謝謝, 一切的祝願都承你貴言~~
ykk
祝森兄生日快樂! 森想事成.
搞一爺
讀到瘟瘟沌沌未呀？回憶以前學生哥上京赴考喺拉記咪書應考情境。
祝天蠍座朋友生日愉快 心想事成 身體健康。
唔係失驚無神架，係人哋嫌棄我，唔通賴屎唔走，失趣 冇趣 識趣……唔夾咪閃，你仲乜又翻舊賬呢？
飛唔出森伯五指山，直到一息尚存。
探有骨氣森伯，我會帶紙皮同空鋁罐俾你變賣，自食其力，又夠環保添……哈哈！
版主回應
唔好講到森伯咁勤力，因為都要返工，有時要畫吓啲細路仔嘢，真正畀到溫書的時間係好少咋：P，通常等到周末先有時間！都算做個充實的宅男嘅…
森伯邊有咁好記性翻你舊帳，我講係新帳喎…anyway都希望你唔好用失趣，冇趣，唔夾咪閃，嚟形容森blog或者森伯啦～哈哈
唔駛講到五指山又一息尚存咁凝重，寫blog的本意都係想休閒，透過文字來減壓啫！
你真係好森水清呀，衷心多謝你祝福本月生日嘅天蠍座朋友，當熱淚盈眶之際，便見到你下聯，帶紙皮鋁罐嚟賀牛一？！即刻收番啲熱淚，講句有冇搞錯，以一爺咁疊水，至少起碼都半斤吉品鮑,半斤元貝,半斤遼參~~畀長者森進補吓嘛XXD……講吓笑啫！
紙皮鋁罐都啱，家陣搵食艱難，賺到一蚊得一蚊，賺到一毫得一毫嘛…
如心恕也
咁小弟在這裏祝福森兄如願得償，萬事順意，一切安好！
版主回應
謝謝恕兄,很有賀年的感覺,莫非恕兄一早已經講定過年的祝願~~
我都祝你萬事如意,今年勝舊年!!
kaka
我揾到喇！森伯伯！
Imuo.blogspot.hk/2014/10/blog-post_19.html
都話唔係才女囉！！
森伯伯又失憶…唉！:P
版主回應
呢個網站又未睇過喎~~應該對廣東俗語會有更多嘅認識...
才女又好冇才亦好,對於森伯伯嗰個年代嚟講,女子無才便是德嘛~~凡事都可分兩面睇~~~
森伯伯幾時都失憶架啦!!尤其畀人問年齡嗰陣.哈哈哈
kaka
哈哈哈…森伯伯，其實係咁既…
雖然萬聖節剛過…但，都要攪吓氣氛架嘛！( 其實…我在死撑中…我真的以為兩疏蕉只是兩疏香蕉，kakaka…睇到你的回覆，真的笑死我了！）
版主回應
你哋啲後生，鍾意萬聖節搞吓氣氛，認真鬼馬！
乜Kaka唔係才女咩？！兩疏蕉點會唔知…可能實在太年青，好少講呢類俗話……所以有時嚟多啲森伯伯呢度，又會知多啲古老俗語嘅典故……哈哈哈~
kaka
森伯伯:我無帶兩疏蕉嚟探你呀！kakaka…
只带來問候語，天氣涼了，早晚外出要加衣呀！:)
版主回應
後生女真係唔識，以前嘅人講嘅兩疏蕉係指閣下嘅兩隻手…而家搞到咁驚嚇無帶兩疏蕉～哈哈～不過都好歡迎kaka探森伯伯
天氣真係涼了很多，大家都要小心保重…
Boss
近日天氣飄忽，保重。
版主回應
大致上天氣都好清爽，唯獨一早一晚比較涼，好易冷親…轉季大家都要保重……
ykk
我都停寫好一段日子了, 只到此閒聊, anyway, take care!
版主回應
寫唔寫隨心喇～做自己想做就最自在…
呢段期間仍可在這裡跟各位保持聯絡～
ykk
吓! 森設自聊. 森事重重. 哈哈! however, 希望森兄學業有成, 歸森似箭! 後會有期...
版主回應
唔係自聊,喜歡的話KK兄都可到來閒聊,不過寫日誌就要再等待多一些時日…
學習上都冇話成唔成,先溫習才能考試…唔知kk有冇啲咩學英語秘招可以過兩招過嚟呢?!!...哈哈
man-man
小休充充電都係好嘅。
搞一爺
買少見少，少咗個畀我亂咁發嗡瘋嘅地方添，忍住唔講好辛苦架，我會好掛住你架。
森伯又冇送散水餅，有嘅話我會唱近代啲嘅新版《歡樂今宵》，比喻森扑咁長壽……
森情小品再會，各位觀衆日日安喇！（版權所有，不準抄襲）
版主回應
以一爺咁醒目（真森話），應該知森伯講暫別，只是暫時啫～無端端加個煽情位畀森伯感動……雖然話寫個blog以為好簡單，有時都要諗下有咩寫又要影張相放都要花點精神，咁啱又正正想做些事，所以便休一休blog囉～
森blog冇咗一爺都唔得啦，少咗好多笑位，所以你冇得走架嘞直情唔畀走添啦…有時見你在人哋個blog留言得好地地，失驚無神又走咗去…@@
唔會有散水餅～～又唔係散水！！暫時幾個月後先再寫番…呢段時間你抽到時間就嚟森Blog老人院探吓森伯囉…當然最好買啲手信孝敬老人家啦～
ka ka
吓！嚟探你唔會阻住你做嘢咩？:p
版主回應
其實而家冇額外忙！只係將平時空出的時間用來做其他事啫…
都歡迎你常來探森伯架…
基爾
如果做嘢溫書做到悶悶地咪來探下我地囉hahaha...
版主回應
內文寫咗唔巡Blog，想森伯出爾反爾?!!...相信你唔會為難我~~：│
若果gael兄抽到時間，就常嚟探吓森伯…
ka ka
等著你回來再分享生活上的點點滴滴！
加油啊！森伯伯！:D
版主回應
謝謝~~其實寫Blog咁耐都會隔一段時間停吓，可以全森全意做其他事…
若然有時間可以嚟探吓森伯…
stella luk
早日回來，再分享生活點滴，祝福你安好！
版主回應
多謝！希望等一段時間可以繼續寫森情網誌，分享點滴…
Boss
支持！
搞一爺
祝身體安康！---》先至有魄力 ---》 馬到功成！
套用粵語殘片結尾：再會
版主回應
身體安康幾時都要架啦！！唔係都唔需要講求健康飲食…
咁需唔需要成班blog友唱：齊歡唱……歡送呀森伯呢?!!
有時間咪嚟探吓森伯囉~~
基爾
希望森兄早日達成目標歸來^^
版主回應
咁講法即係叫森伯一日未達成都唔駛返嚟啫…講笑中
呢段時間未必做到有咩目標，只想騰多點時間做其他事情…
森兄:
祝你萬事亨通,身強力壯!:)
我也祝你雞年豐足，想嗰樣就得嗰樣…… 2017-02-02 12:26:52