2016-10-17 17:16:52森源
工欲善其事；必先利「脾氣」…
一向對於新產品，森老伯總係慢人十拍先有，可能當產品唔興時，森伯先啱啱用都唔定…所以到現在都係喜歡用MP3…之前都講過買了部某牌子的MP3，未到保養期就壞，去到整就話部機乜都「冇問題」，點知回來發覺乜都「冇整過」，當時真係激到森伯差啲嘔血，話晒年事已高唔係太激得！XXD唯有收吓火一邊忍一邊用…聽歌都冇乜所謂，但係買嚟學習就唔可以嘞…正所謂：工卻善其事；必先利其器！於是都要買過部…
與其用到幾把火，就不如信吓大牌子啦！基本上市售的MP3唔多，就算在網上見到的型號都未必可以搵到，既然冇得揀之下試吓買「萍果」，價錢其實跟一般的MP3相差唔太遠，唯獨個MP3冇螢幕睇…
細細盒的簡約包裝，裡面已經有耳機及傳輸線…
「萍果」的出品始終講求簡單，細細部而且甚輕，部機目的可以夾起身上任何地方都唔覺累贅，就可以一邊運動一邊聽歌……我是官網訂購，所以有免費刻名服務，如去門市買好以冇！總之就送禮自奉兩相宜…哈哈
順帶一提，部MP3始終冇螢幕，收到之後曾經一度想退貨，估唔到「萍果」又肯退貨喎，兼且唔會扣我手續費，而且退貨站十分就腳…反而令我唔係太好意思，而且刻名的產品多數會報銷，於是就不如好好學吓點用，唔退貨～致電問問技術支援，佢逐步講解清楚得多…估唔到幾日後技術支援人員打電話來問部MP3的問題解決了沒有呢…@@老實講咁嘅售後服務好唔話得，而且仲係一間國際大品牌喎！在眾多的產品中，i博已經算係平價…唔似得i隆i嘜咁貴，但佢都冇求其敷衍啲MP3仔客戶…
新機就有嘞！！呢個時候真係要疊埋森水好好學習，對於森老伯嚟講唯有將勤補拙咋…
大牌子始終有保證啲！
試過n年前部Sony數碼相機仔在泰國旅行時壞咗，拎去Sony維修部整，原來係那個系列的相機出廠前少了一些功能，令到在太熱的氣溫下相機會失靈，雖然過了保養期，也沒有向我要回維修費。
版主回應
都唔一定架…買這些電子東西都係撞手神的多，買到好就好好用，買到差的就要激吓氣～哈哈你的事件都證明大牌子的產品有保障，至少起碼肯負責維修兼唔收取任何費用…買這些電子嘢我都會揀有名牌子先買… 2016-10-24 09:08:54
請問部 Apple MP3上面 是否刻森呢？
版主回應
哈哈~應該個名刻在後面，不過就好細隻字…送畀人紀念最啱～～
2016-10-18 20:41:12
我之前都買咗呢個款送畀家人學氣功， 因為覺得幾簡單操作，森兄你覺得好唔好用呀？