鋪定後路之－整吓錶…
對而家的人來講，睇時間都已經唔駛用錶，睇手機就得嘞！不過好多人仍然會戴錶，或者只當飾物，又或者好似森伯咁覺得睇錶會方便啲～～但係對於靠電力推動的手錶，其實唔算容易壞，只要唔係時常碰碰撞撞，都幾襟用！
如果想送一樣東西畀人留念，錶應該唔錯，實用之餘又襟擺～我有隻ALBA鋼錶由Form1到現在還可以行，應該係森爸買畀我的…可想而知係幾耐世紀的事呢！分分鐘可以追溯返白堊紀年代…XXD～之不過最麻煩就係時不時要更換電池，可以換電的地方都唔少，尤其荃灣的街頭巷尾都易搵…記得以前換粒電都係廿令三十蚊左右，現在要五十蚊，可能度度唔同喇！有見及此自己換仲方便，可以買定電池備用，而且電停了可以即時換，唔需要等…
不過要買盒小型螺絲鈚（螺絲起子），因為錶的螺絲好細微…搵到電池便可更換～
更換時都要小心翼翼，好怕郁歪咗其他微細的零件…
換好了，又可以戴幾年～呢隻錶係我第一份正式工作出糧時買，到現在都覺得個設計好特別，電子錶的外型行針的設計當時好少見，對我嚟講很有紀念價值…
因為這些相片是較早前影，現在這些錶已退役，當為森伯嘅私藏品lu～
有時諗諗吓工作都好無常，所以鋪定後路都有需要架！租個蚊型舖仔幫人整吓錶換吓電，最基本都可以搵餐晏仔卦，不過以森伯啲技術就…唉！（擰晒頭~~~）
ykk
ykk的年代冇咁先進，或者物質貧乏。如果隻手上面有嘢，一係是印水紙公仔，或者是藤條痕跡，邊樹有表戴那麼威水呢！而且當時還未有電子表出現。
至於看時間，返學前屋企睇鐘，放學就得打鐘。That's all.
如果仲唔明，是有代溝？？？
版主回應
以前的社會物資短缺，很多人對每件用品都特別珍惜，而當時的細路亦都比現在的細路回憶多好多，森爸買畀我的ALBA錶（估唔到呢個牌子仲可以在網上搵到…）到現在仍然留著，只因以前的用品都會隆而重之…
諗吓小學生又唔駛帶錶，根本冇乜需要睇時間…
同ＫＫ兄在網上認識咁耐，而且咁好傾…代溝？！唔會卦～哈哈
ykk
幫隻手錶換電森，真係幾叻仔，ykk到做事先有表帶，都係同上面阿"一爺"咁，用手上練咋！
版主回應
邊算叻~~哈哈
若果搵到電池就容易換，唔算好難～聽嚟好多人都喜歡第１份工出糧就買錶…幾好有記念性~~上鍊錶我怕唔記得上鍊所以未買過…
ykk到做事先有錶帶?!!……咁之前帶咩呢要睇時間喎??!!!
man-man
森伯好識諗喎。
版主回應
你哋富貴人家唔知，森伯啲窮等人家要諗多啲後路…><
基爾
錶對於好多人來說都係紀念價值大於一切!!
我都係慣睇錶多過睇電話時間,有時冇帶錶出街都會轉手腕睇時間,才發現原來自己無帶錶
版主回應
謝謝gael兄冇出Blog都仍舊嚟支持森伯…
除咗紀念都有實際用途，以前用的長者手機時間時時唔準，所以戴番手錶穩陣啲！你講嘅情況我都時有發生…
ka ka
我都有喺第一次出糧既時候買咗隻錶獎勵自己呀！而家隻錶依然用得，不過，
就成了我的收藏品了。
就算有手機可以睇時間，但，我也會戴手錶的，可能習慣了！
而家D租金高昂呀！租個街邊檔便宜D喎！森伯！哈哈哈…
版主回應
以前手錶唔多，所以當時出糧就想買多一兩隻錶替換一吓，仲記得呢隻Casio錶在時間廊買，諗番都好耐…依家都係當收藏品…
你後生，應該第一次出糧到依家，都唔係好耐…我諗都係幾年前啫，隻錶依然用得都唔奇…
我就戴錶分季節性，夏天著短袖衫通常都會戴，唔駛手空空……
你真係睇得起森伯伯，家陣啲街邊檔租金都唔平啦，森伯伯諗住走鬼檔咋……XXXD
搞一爺
同森伯伯真係有代溝添，我第一隻雜嘜錶係上鍊架，都係喺中四至有咋！
冇帶錶都有8年，如果我要用番啲珍藏舊錶，都要帮襯森伯換電芯，大家咁熟收個友情價好喎？
版主回應
唔好咁講呀~我凝住一爺係同我同年代…不過你提醒咗我上鍊錶呢種經典時代產物…上練錶有個好處就係唔駛入電，可是要記住上錬，不過現今有上鍊錶盒代勞…我目前冇上鍊錶，好怕時間成日慢唔準……
我戴錶除咗睇時間，仲係當飾物夏天著短袖衫，兩手空空戴隻錶型啲啲…
到時你話森伯介紹嚟架，收個友情價又點話丫…哈哈
stella luk
自己換電都是生活一份樂趣。
版主回應
而家擁有嘅錶都唔需要入電，又少了樣生活中之樂趣……哈哈
ykk的年代冇咁先進，或者物質貧乏。如果隻手上面有嘢，一係是印水紙公仔，或者是藤條痕跡，邊樹有表戴那麼威水呢！而且當時還未有電子表出現。
至於看時間，返學前屋企睇鐘，放學就得打鐘。That's all.
如果仲唔明，是有代溝？？？
諗吓小學生又唔駛帶錶，根本冇乜需要睇時間…
同ＫＫ兄在網上認識咁耐，而且咁好傾…代溝？！唔會卦～哈哈 2016-10-13 09:06:06