2016-09-23 09:11:12森源
森伯去睇大戲…展！（下）
昔日的戲曲文化已經粗略睇過，至於近代的粵劇大戲對我哋來講應該比較熟悉，不過對森伯來講仍一知半解！如有資料漏誤請各位諸君賜教…賜教…哈哈哈
粵劇一向畀人印象是古老，又係唔係人到了某個年紀就自自然然鍾意聽粵曲呢？其實我諗都係一些情感回憶的驅使而已！
舊時睇大戲會去戲台，現代化後會到利舞臺睇！實不相瞞以森伯伯一把年紀，竟然一場正正式式的大戲都未睇過，實在失禮！唯有睇番呢個大戲展覽補番數啦～
通常有大戲上演時都會見到大型花牌，目的都係為夠搶眼！以前茶樓酒家門前都見到，而家已經好少見，已成為一樣有特色的港產文化！
諗起粵曲就會諗起大鑼大鼓，展場中都有展示樂器，中樂嚟講喜歡笛子、二胡，相信唱南音時必備…
大戲中的服飾都唔講得少，展示的服飾都好華麗！因為很多展品都係放在玻璃箱內，所以影出嚟都矇矇哋！不過都睇到閃閃生輝嘅～
同場仲有場刊展示，睇大戲之前先了解人物角色、劇情內容、唔會睇完都唔知講咩…
唔講咁多，睇吓門前有咩大戲上演先，再去買飛！跟住買埋爆穀粟米入場…（森伯實在太入戲）哈哈哈
場館內氣氛造得唔錯，好似走進時光隧道一樣，分分鐘令你不自覺間啍出成首「鳳閣恩仇未了情」都唔定…
粤劇我連欣賞也不懂，但戲服和頭飾就非常吸引我，粤曲裏的小曲就非常喜歡了！你有同感嗎？！
版主回應
粵劇都有很多值得睇的地方，服飾頭飾係其中一樣，同場都有展示…至於你講的粵劇小曲，就完全唔識，因為平時冇乜耐性聽晒成首曲……
2016-09-24 12:43:14
有幾首好聽，其它唔識欣賞。
版主回應
有幾首好聽都已經唔錯，森伯只係識帝女花同埋一葉輕舟去…唔知曲名…哈哈
2016-09-24 12:30:09
而家啲生活節奏甚麼也講求速食，“快“，真係無乜人會有閒情和耐性去睇大戲，這個可能也是粵劇沒落的最大原因之一。
雖然我算是睇過吓，但，都唔記得睇過些甚麼劇目了！
其實有時聽粵曲都未必知道曲名，除非好出名那些，如帝女花，萬惡淫為首…… 2016-09-24 13:05:28