2016-09-15 14:38:21森源
月圓夜…講森事…
又來到中秋，本應最秋高氣爽的時候！不過天聞台預告會落雨，又唔知中秋期間有冇機會見到月光光…
講氣氛…
其實過時過節都係寫番有節日氣氛的內容，比較適合森Blog的風格…
相信都唔只森伯講，時下的節日氣氛越來越少，唔知大家仲興唔興攞月餅到親戚家探節呢？以前啲人做月餅會就係呢個原因！若然而家仲見到有人拎住一袋幾盒月餅去探節，可能會以為時光機已經誕生咗…哈哈~~附近的少少佈置，影嚟為森Blog加上點點中秋氣氛～
講月餅…
今年最特別除咗月餅仔之外，仲買到奶皇月餅，未食過對森伯嚟講都算新奇！近呢幾年都好喜歡用豆漿送月餅食，雖然送粥或送茶都唔錯，但出奇地幾夾，以前中秋前都會買定紙包豆漿！與其買紙包嘢，當然自己整比較好啦～而且糖份可以自己減到最少，中和月餅的甜度，幾唔錯！！
講經典…
講到中秋，好自然會諗起月亮，至於關於月亮的歌，你又認為哪一首最經典呢？
森伯只諗到呢幾首…
1.月光光…照地堂…森仔你乖乖瞓落床…聽朝…（經典兒歌一首）
2.人有悲歡離合…月有陰晴圓缺…此事古難全…但願人長久…（聽最多是王菲版本）
3.你去想一想…你去看一看…月亮代表我的心…（經典情歌，全世界華人都識的金曲）
當然每人都有自己心目中的經典歌，不妨今個中秋賞住月光、嘆住月餅、玩住燈籠之餘，仲聽番首歌應吓景都唔錯喎～
祝大家：中秋快樂；人月倆圓～
ka ka 不是與眾不同，那是經過真實的生活體驗與人生經歷領悟出來的！
版主回應
其實每個人都係與眾不同，總不會找到個一模一樣的人，就算孖生兒！性格都可以唔同…森伯的人生經歷都唔少！！
2016-09-21 15:01:01
市面上都有啲中秋節氣氛嘅！
小時候我母親好重視呢個節日 ，人大了，成熟了，
才明白呢個節日的真正意義！
版主回應
可能節日去到旺區就比較熱鬧有氣氛吧！KaKa果然與眾不同喎，好多人都已經唔會理節日背後有咩意義，只知有假放搵咩節目咋… 2016-09-20 14:45:10
我會想起Moon River！
中秋節聽英文歌有點格格不入... 2016-09-22 09:03:14