2016-09-13 17:18:25森源
今個中秋勁慳家…
唔怪得人哋講，一年容易又中秋，2016感覺仲係冇幾耐…霎一霎眼已經臨近中秋…時光飛逝到得人驚呀！不過大家又唔好以為只有快活才不知時日過…對森伯而言渾噩不知時日過就真喇！
可能老人家的思想守舊老土啦！過中秋月餅點少得，而且喜歡傳統的月餅款！至於其他款就只能當甜品……話時話覺得今年的月餅好似又漲價咗少少，可能餅商成年的生意都係靠月餅呢個檔期，所以點都要賺到盡～
對於升斗市民兼且赤貧戶的森伯嚟講，就算過時過節都要慳得就慳，縮得就縮…我講骨啫！可能森伯有慳緣XXD總遇到啲慳得嚟又唔失禮的東西…
未到中秋，已經搵到啲…超超超迷你月餅！八個裝都係十令蚊…去邊度搵先！！！XXD
真係超迷你，我諗真實size只有2.5cm × 2.5cm～以森伯把口應該可以塞到四小個…
既然嚟到寒舍，森伯除咗生果同月餅仔都冇咩招呼大家，就切舊餅同大家應吓節，隨便…隨便…唔駛客氣！（食落都幾似有蓮蓉餡）
睇嚟今個中秋又慳唔少～買多幾包派街坊都仲得！！哈哈哈哈
森之註解：這些小月餅只係山舨充炮艇，它們的真正身份是正宗棋子餅，因size就只有棋子咁細，買嚟送畀女仔應該幾啱，佢哋唔會嫌呢啲月餅滯，見到實會講句：好Ｑ呀～～
喱種超迷你月餅最大好處係,食兩三個都唔怕影響森兄個fit爆身材XXXD
版主回應
呢種迷你月餅,基本材料只得餅皮,又唔係好甜兼且食咗等如冇食,唔怕肥嘅~~~
2016-09-19 09:14:05
食呢啲棋子餅應該較食傳統月餅健康些吧！
祝森兄中秋節人月兩圓！
版主回應
謝謝KaKa...不知不覺已到中秋~~~~我都祝你有個開心又難忘的中秋佳節~~
棋子餅冇蓮蓉同蛋黃,比較上健康得多... 2016-09-15 08:39:37
我個人都係比較喜歡吃冰皮月餅！