2016-09-09 09:09:11森源
龍眼荔枝一齊上…
既然講得果酒，都梗係要講吓水果，雖然開始有少少換季的跡象，但間中都會感到悶熱，所以趁呢個時候都要捉一捉緊夏天的尾巴，嘆吓水果先…哈哈
龍 眼
冇記錯，一到中秋前後，都應該有很多龍眼應節，以前細個屋企會做節，到賞月時候都會有龍眼、楊桃、棱角等…但又唔太確定！不過對森伯而言，好多水果都帶酸味，已經好多唔食得，而龍眼幾乎冇咩酸，所以都算可以盡情品嚐…
今年的龍眼都幾靚，食親都係甜…甜…甜…，而且又清爽！外表乾爽為之佳品，外表濕濕的就好易爛，所以要食都趁當造！
荔 枝
講到荔枝，係種有自己獨特味道的水果，而且荔枝都分好多品種，有種叫糯米糍，因為果核好細粒而且比較甜！據講荔枝都幾好火，一次過唔可以食太多，否則就會不適，所以每次食都係幾粒咁上下！
記得有種叫錦毛荔枝的生果，原來俗稱：紅毛丹！雖然果肉都似荔枝，是否同一科就唔知，今年都有幸再食，味道就冇荔枝咁濃，不過酸酸甜甜幾醒胃…至於熱唔熱氣就唔知，不過外表都幾有趣似一個毛毛球～
我喜歡龍眼多過荔枝多的的，荔枝比較熱氣。
版主回應
認同~~我覺得龍眼比較清甜爽,而荔枝較香不過就燥...
2016-09-12 09:34:56
龍眼和荔枝，個人比較喜歡龍眼。中秋節食品裡，除月餅外，生果也是十分應節。
版主回應
認同~~我都係喜歡食龍眼多過荔枝!!以前的人去人家屋企探節, 都會捧個中秋生果籃~~
2016-09-12 09:32:28
荔枝我都知係熱氣,好彩我又唔係特別鍾意食....
反而紅毛丹就完全未食過,原來係同荔枝同科?
隔咗幾日先來留言等森兄啲火降咗少少先XXD
據網資料講，紅毛丹同荔枝似係同科，果肉同食法都差唔多，不過紅毛丹冇荔枝咁香甜…
Gael兄一向慎言，無端端邊會辣著森伯火頭…你當森伯失森瘋咩！！ 2016-09-12 16:40:50