始終自製一些冰涼飲料，都唔想太過大費周章，簡簡單單搞掂就最好！對於森老伯嚟講，消暑都不忘養生，雖然話飲茶好，但唔係太常飲，因為甚少買茶葉，要泡一壼茶就太多，都係用茶包較啱我…今云就自製一杯冰茶，茶除了間中飲之外，仲有幾個情況森伯都會飲茶…

第一：就係太悶侷的時候，尤其氣溫太高有酷熱的情況，飲杯清淡的茶真係可以有消除煩躁的幫助，將個人的溫度降低，人都舒服一點…

第二：雖則話老人家比較少外出食嘢，但係有時都會遇到一些食肆會落味精調味，其實都要怪下自己嘅，就係平時食得太清，搞到條…脷都刁晒，一食到過鹹或太重味的食物，就會有反應通常會口喝，一有咁情況都知食物有味精，飲好幾杯水都唔得，但係一杯凍茶就會即時起到解渴的作用，幾得架！

第三：太熱氣的時候，通常指虛火上升嗰種，夜瞓或者食過多熱氣食物！飲杯茶都有清熱的效用，對森伯而言起碼唔需要煲涼茶～

平時好少用到冰粒，不過落些少冰就會有個涼快感…剩係望到啲冰都已經涼晒啦～～

幾喜歡香片的味道，茶香撲鼻都已經好似置身在大自然中！！

簡簡單單便可以自製一杯冰涼的消暑品！！飲完仲駛講咩，當堂透森涼啦～哈哈

綠茶類通常偏寒涼，可能並不是個個人都適合，因應返自己體質去飲用較好…