Summer Shopping（下）…
至於Shopping後，梗係想第一時間睇睇有咩戰利品…就算係人家的戰利品，都可以加把嘴畀吓意見…通常對外人的意見就會較為遷就，畀自己友的意見就會有碗話碗，有碟話碟…哈哈
現代人都可能有好幾樣電子嘢隨身！但對森伯老人家嚟講，越簡便越好，平時如要影相都會帶多部相機仔，之不過舊手機相片質素就未必太好，所以揀智能手機都會諗埋影相功能，若果影得好就唔需要帶多部DC仔出街…咁就不如試吓部新機影得好唔好，隨手攞兩個磁石貼試試…
用部相機影（平時Blog裡的相）
用部新手機影
對於要求甚低的森伯嚟講，兩部都唔錯，不過手機就更有視覺震撼感色彩鮮明啲！要多實習用佢影相…
一直都很想買個胸包，即是單帶斜揹包！係男士幾唔錯的隨身袋，而且揹起前面都幾型（當然森伯揹起唔覺啦…），如果外出或旅行都幾啱，把重要的東西放在包包內，掛起前面包保唔會有爬手敢動手…
呢款包包老實得嚟又帶點英倫風格，齋睇顏色都覺得適合長者…XXD你哋都知喇，森伯伯手腳慢，有個袋掛起森口前面，要攞長者卡、老花鏡、驅風油都就手得多啦…XXXD
其實shopping對於森伯嚟講唔係太享受，有時都幾煩…尤其買電器、電子產品之類！不過好在有人可以畀吓意見，希望可以減少買錯嘢的機會…
Ka Ka
森伯伯，話你…老人家轉數慢架喇！
個袋裝曬金咭咪可以天下任你行囉！
:P
版主回應
Ka Ka後生女果然轉數快…可惜森伯除咗長者卡之外乜卡都冇呢~~
到時真係要搵Ka Ka借幾張金卡過嚟碌碌
當然碌完又要勞煩Ka Ka代辦呢……XXXXXD
狂小子Time Is Changing
哈哈～望住兩個公仔，跟住就同佢哋一樣笑咗！(￣Д￣)ﾉ
版主回應
笑番咪好囉！！呢款表情磁貼只得笑款，間中望吓都會開心啲…
森
最近很認真想要換新相機，覺得在拍風景時真的差很多，有時候看得很感動，照片拍出來差了十萬八千里，實在遺憾
版主回應
我唔係個玩攝影的專才，普通的相機便可！的確生活上有很多東西想用相機拍錄下來…
你講開換相機，巧合地今朝發覺相機內的記憶卡可能有問題，拍不到相…可能要等回家後才處理…所以電子東西幾時都令我感到頭痕～
Ka Ka
一袋傍身，天下任森伯行！XXD
版主回應
你實在太睇得起呢個袋...
呢個袋裝得好少嘢,勉強裝到一件背心+一條短褲...試問點樣任我行呢?!!XXXXD
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
謝謝新聞台對森Blog的支持～我會繼續拍些精彩的相片放在自己博客內，希望你們仍多多關注！
稍後會到本日熱門圖片區塊看看！！
ykk
部手機效果相當好！英倫風背包不錯，老少皆宜。
不要，掛在森兄身上，格外有型。
版主回應
通常用新機影相初頭都較好,不過出街唔需要帶多部相機已經方便了~~
真客氣~~邊度型丫～只係當作一個外出時用的隨身袋啫...
stella luk
我用過單帶斜揹包，好用呀！
版主回應
尤其你哋鍾意外遊的人士,証件或重要嘢都可以隨身帶...方便~~
基爾
有新手機咁將來係咪會多啲selfie睇XXD
個袋要孭上身睇下丫嘛
版主回應
咪會多啲selfie睇……費事到時畀呀gael兄笑啦！搞到而家都唔敢再擺相上嚟…XXXXXXD
孭上身睇下……買之前已經有~~
搞一爺
網友碗碟話：
手機仲 sharp 過古老相機（一路好走， RIP）
如果屋企裝無線上網，森仔必對手機新歡愛不惜手，冷淡對待舊愛電腦。
咁啱我係用個cheap腰包掛胸前充胸包扮型佬，貪佢有7個大細袋，好似啲老人家屋企一袋二袋，好多雜物，以前散收收，有時起身遲咗，趕頭趕命會拎漏嘢。放幾個摺得薄薄細細好慳位嘅背心膠袋，臨時買野都有袋用。仲有藥水膠布同牙籤，我嘅神奇叮噹百寶袋。
英倫風…………會唔會畀人批鬥話勾結外國勢力，係港獨架？我話係backpacker 嘅瀟灑風，瀟灑森。
版主回應
而家啲新手機，吓吓講緊千多像素…冇幾百像素架嘞！現在的人好多時都係帶手機出街，相機就擺埋一二邊！智能機的影相功能都係賣點之一…
我部相機兩年幾前買架？！都唔算老爺機…對電子產品嚟講一兩年，性能已經走下坡都唔定！
屋企就有間歇性wifi，平時有需要先會對住部電腦，手機都唔會成日對啦……
家中都有個普通腰包充胸包，不過裝嘢唔多～所以要買過新…
你個袋又有背心袋、又有藥水膠布、牙籤……你開武館架?!!@@
我自己覺得英倫風啫，可能有人覺得似華夏文化款都唔定架！！哈哈哈
呢種袋畀backpacker嚟講細啲，通常大大個背囊先襯佢地…
瀟灑森～～一啲都唔瀟灑……
森伯伯，話你…老人家轉數慢架喇！
個袋裝曬金咭咪可以天下任你行囉！
:P
到時真係要搵Ka Ka借幾張金卡過嚟碌碌
當然碌完又要勞煩Ka Ka代辦呢……XXXXXD 2016-09-08 15:27:46