森伯有機推介…
如果森伯冇腦退化的話，昨日應該係全民運動日，有鑑於…近排唔係太多嘢寫都想寫吓運動，之不過最近奧運的運動項目又睇得多，就不如唔多講喇，留待日後再續～～
既然講開有條癮，是日blog都係講番與飲食有關，算係手尾呼應咁啦！查實健康飲食以五穀雜糧為基本，所以平時唔會齋食白飯，加少少五穀較理想！
講開五縠類森伯都試過唔少，發覺眾多穀物中大麥算唔錯，用來配飯都幾好！以前常常聽到的麥米粥，就係用大麥、片糖等來煲，當為一個甜品幾有益！
每當想介紹五穀畀人食的時候，好多人第一反應都係怕會硬難入口，其實好多穀類都可以預先浸水幾個鐘，浸透後煮就冇呢個問題，大麥比糙米更好處理，只係浸少少時間就得！
煮完後脹卜卜幾好口感！呢個森伯極級推介，而且價錢又唔貴，一包有機大麥都係十幾蚊咋！
至於大麥的功效就唔長氣講，有興趣就上網查…通常呢類麥米飯外出好少機會食到，一般食肆都甚少供應五穀飯，只能夠自家煮先嘆到！
ykk
對! 不過, 會抽空到這裡.
版主回應
如果唔寫Blog，咁就會少一份參與感…不過都係隨心所做吧!!!
多謝你仍到訪~~
ykk
有吃用過老人牌燕麥飯,是加入燕麥米同白米同煮成的, 不知同森兄所介紹的麥米有冇大分別?
版主回應
燕麥米未試過，所以唔清楚分別在那裡，不過應該跟大麥差唔多！通常呢類五穀都很多膳食纖維，而且令平凡的白飯加添味道…
KK兄真係唔再寫Blog?!!...
amour
會煮五穀米或十穀米，但這沒吃過！
版主回應
去到五穀米十穀飯,已經資歷好深~~~哈哈
如果平時冇食開五穀!大麥可以當為入門穀類!!
基爾
平平地又買包試下先,謝謝推介
ykk
近排多幫襯區內一間小型日式西餐室, 喜歡它的定食,可以選擇紅米糙飯.
未試過大麥米飯, 搵次試吓!
版主回應
咁又幾好~~可以畀食客多個選擇！而家食店都要在餐單加多啲健康元素~~
麥米飯外邊應該唔易食得到，見到不妨煮來試試！
k a k a
森伯伯的極級推介一定要試試喇！XXD
咦！我上星期先至係餐廳食過“有機荷葉蒸飯“記得係用紅米加白米蒸成的，味道都唔錯喎！
我見而家有D酒樓食肆都有推出有機營養炒飯或蒸飯之類的迎合愛健康一族！
版主回應
老人家森伯伯的推介一定冇錯嘅…是關食鹽多過你食米嘛~~~XD
其實我指係一般食肆或快餐，多數供應白飯，五穀飯除非你特別去指定食肆或餐牌有…食肆都好應該諗多些健康菜色迎合不同的食客!!
搞一爺
冇食過，我差不多日日都食Muesli 做早餐 。
不過，拎咗黎畀手腳冰冷嘅老人做暖包，夜晚放入被窩就暖足成日，唔驚似電顫會漏電火災，又唔驚似暖水袋漏水，可以好安全放心瞓覺。老人血氣變好咗，抽筋都少咗。佢鍾意叮完果陣麥香味。
版主回應
Muesli 未食過,我唔係好食得燕麥...
你講的暖包,聽人講好似用紅豆叮熱,乜大麥都可以咩?!!現在香港的冬天唔太凍,相信暖包都無用武之地!!不如煮碗麥米粥食好過...哈哈哈
冬天再來臨的時候,你可以食多個薯仔做晚餐,包你暖到天光~~~~
stella luk
我喜歡麥米粥有咀嚼口感，落少少糖，好好食！
版主回應
麥米粥是屋企傳統甜品,甜甜黏黏都幾好味,而且又有益~~
對! 不過, 會抽空到這裡.
多謝你仍到訪~~ 2016-08-11 12:44:26