一筆二鳥（畫作欣賞）
近呢幾年鍾意畫動物素描，當畫得神似會有份成功感！所以畫動物素描都幾富挑戰性！而有趣的是，每次有新Blog上傳都會睇到每篇博文的點擊率，而近期點擊率最高的Blog文竟然是一隻鴨那篇！始終都係畫作比較多人喜歡…
所以今次也畫了兩隻蜂虎鳥，蜂虎的簡單介紹：
聽個名蜂虎好似好威猛，外表多彩鮮艷，可能多數捕食蜜蜂所以得到呢個名稱！先用素描筆畫好構圖先！本身蜂虎外型比較佻長，而我畫呢兩隻可能比較為食，所以屬於圓潤型，圓圓哋得意啲…XXD
畫都OK，反而有難度就係上色，蜂虎五顏六色而且羽毛帶點金屬光澤，唔易架～先上底色！上完底色後唔係太稱心喎！想唔畫因為太多顏色唔易掌握，而且難以柔和…好在網上有圖片，可以對住上色…
底色上得靚唔靚都好重要，吔粥吔飯（成唔成功）都靠佢…
掌握到牠們色彩的分佈，已經較為順手，完成後都很滿意，或者跟真實的有點出入，不過蜂虎的品種實在太多，唔同品種有唔同的色彩…
最後校少少模糊，望落有少少水潤的感覺…度數不用太高便可！一幅徒手畫加軟件上色的作品完成！我就覺得OK，唔知大家又有咩評語呢？
狂小子Time Is Changing
嘩～好掂呀真係！畫得栩栩如生！
版主回應
多謝TIC的讚賞！畫鳥最緊就是畫出牠們的靈氣！！
森
真厲害！覺得畫畫最難的就是畫出神韻，畫不出來就很沒感覺。
版主回應
森：很久沒見你的留言，你應該是我唯一PChome認識的blog友~~日後要多些到訪…
同意！一幅畫或者一件雕塑作品，顯到作品中的神髓神韻好重要，這就是作品的靈魂吧～
搞一爺
森手畫森心……森畫不經意地洩密喎！我估計80％森仔依家拍緊拖。
1. 相同嘅畫一隻咪得囉，另一半pose又唔係唔同，點解會成雙成對呢？
2. 蜜運中人心情變得開朗，心中充滿鮮艷色彩，都唔會揀黑嘛嘛烏鴉。
3. 原因如2，開心會心廣體胖，由心而發落筆都重手啲，啲雀咪有拍拖肥先合森意囉！
4. 係熱戀中情侶嘅痴痴迷迷嘅眼神，唔係呆滯囉！
呢份分析報告係由卧床心理學專家搞一爺提供。
不過，忠厚老實、行事低調嘅人必否認。
版主回應
反而我想問下搞一爺嗰位臥床心理學家，臥咗床幾耐呢?!!...佢嘅分析好夢話~哈哈哈
我覺得睇畫的人最受心理狀況影響，就等如開心時候睇咩畫都好正面，悲傷時候睇咩畫都係負面…你睇到兩隻森鳥聯想起拍拖蜜運，正正反影你現時的情況…哦原來一爺蜜運緊，想咋咋帝寫個分析報告話畀森伯知?!!!......殊不知畀足智多謀的森伯識穿咗XXXXD森伯就唯有講句恭喜恭喜~~
不過，都好喜歡一爺用忠厚老實形容森伯…影到森伯個人好正氣凜然…like爆!!!!
畫兩隻雀都係想個畫面豐富啲啫！
基爾
森兄咁注重養生,應該唔多會食滯吧XXD
版主回應
都唔係架~~間唔中都會飽到滯, 所以盡量唔食太多…
ykk
傑作!
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
謝謝新聞台的鼓勵，列我的圖片為本日熱門圖片，好讓更多人可以欣賞我的畫作，稍後會到圖片區看看…謝謝
新聞台Blog小天使
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
謝謝新聞台的支持，把本篇文章列為優質，希望你們日後仍多多關注，稍後會到哈燒文章區看看…
kaka
啊！原來如此！:)
果真的是畫中鳥似主人形！
咁...你會唔會畫返幅食滯咗嘅森伯伯呢？？hahaha...
版主回應
你既然話物似主人形…早知我就唔講食滯咗~~講charming啦~~哈哈哈
食滯咗郁都唔想郁, 仲邊有雅興幫自己畫幅畫丫~~
ohtria
beautiful!
版主回應
beautiful……no other comment?!!
stella luk
我都喜歡欣賞畫作架！
基爾
很有點國畫feel,纖毫畢現
版主回應
條樹枝就有少少國畫feel而已~~
畫作點都要有屬於自己的風格…
kaka
乜唔喺"一石二鳥"咩！！哈哈哈…
蜂虎鳥的毛色彩好鮮明，有點似鸚鵡的顏色，畫得好靚，但，兩隻鳥的眼神好似有點迷惘，似放完DSE的學生般對前路感到迷惘咁…定喺剛瞓醒呢！:P
版主回應
先多謝讚賞~~幅畫都冇石, 只係有支筆啫!!!
蜂虎比鸚鵡的羽毛帶有少少絲絹光澤~~不過用牠們為作畫題材都好靚好搶眼!!
對於棲息在樹枝上的雀鳥來講, 牠們多是休息通常眼瞇瞇, 只有覓食的雀鳥才會眼神烱烱…佢哋唔似考完DSE, 似食滯咗嘅森伯…哈哈哈
搞一爺
要快啲黎睇，我驚著對雀點咗晴後好快會飛走，得翻條光禿禿嘅樹枝咋！
版主回應
總結你的回應, 你想講我幅鳥畫栩栩如生?!!當你係讚!!多謝~~多謝~~
兩隻肥肥哋的雀冇咁易飛走, 唔駛驚……哈哈哈
~~感謝分享，文章寫的不錯~~
http://www.poxet-60.tw