森伯的古董floppy！
就咁一句：想當年……老人家當然講到津津樂道啦，對後生嚟講，可能會話：阿伯，唔該你唔好咁長氣～～但對森伯伯來講，真係有好多想當年仲未講晒！！…XXD
耐唔耐都要執執自己個工作位，除咗摷番好多過期零食外（通常係同事請）！仲有很多「古董」磁碟！相信新一代的青少年都可能未用過floppy碟…
始終科技產物，朝著尖端而行，floppy碟能存儲的檔案少之又少，大多數都係儲存一些文字檔，想當年～工作的地方用得最多都係呢種儲存工具，記得以前文具店都有售，不過真係唔記得多少錢一隻，記憶中好似幾蚊至十蚊一隻…若果有Blog友記得可以告知森源…儲存圖檔就唔多掂因為記憶空間實在有限，一定要用其他儲存體…
雖然話呢種floppy碟儲量少，但在記憶中大家都用了好一段長時間，不過到現在就算有呢種碟，相信都冇driver開啦…而手上僅餘的floppy碟，相信會撥入森伯個私人文物箱（咪即係櫳底囉）～～唔知大家仲有冇保留呢？！
註：相中的floppy碟係公家物（相信會報銷！）自己就應該仲有一、兩隻保儲住…
另記：
諗吓寫Blog最好都係用返自己個嘜頭做頭像相，無論好與醜都起碼有代表性，可以畀人知道寫Blog嗰位係乜水…若然大家第日起街撞到一個帶墨鏡的長者，可能就係森源嘞！不妨跟佢打聲招呼：森伯，你好呀！！…至於『Q版森伯』就會長駐google blog！放森…唔會換嘅！！哈哈哈
Gael
Q版同實體玉照一樣靚仔^^
玉照會有多一點真實感kakakaka
版主回應
講到靚仔…邊及gael兄啲玉照丫~~~
放自己相，目的都係想個blog有少少個人化~~
搞一爺
曾經係世界頂級球星Sampras 森柏斯。
睇住你個樣咁細個都係叫唔出《森伯》啦！加個C等人哋以為我叫英文名好啲。
版主回應
勁喎！森柏斯都識！！…以前森伯個妹好迷網球~~變咗對張德培、森柏斯、阿加斯都好熟…
形容一個幾廿歲嘅阿伯為：咁細個…應該笑定唔笑呀~~~><
乜突然一爺又要執番正叫森伯又話咩英文名?!!...你本身都叫開森仔架啦!!!
搞一爺
森伯C 你好！
版主回應
What is 森伯C...?!!
到時撞到你記得要自我介紹係...一爺喎!!!!
ykk
張相好型! 睇落醉多32歲.
版主回應
多謝KK兄每見森伯嘅相都會讚一讚...真係宅心仁慈!!!
仲以為掉轉睇23歲添~~哈哈哈!
(都希望有日見KK post些個人相畀大家睇睇)
ykk
好森唔好留, 上面真係講得好啱, 有碟冇機會side森機喎!
版主回應
當然啦~~都冇硬件再開番!!儲幾多都多餘,更何況呢類古董嘢又冇咩價值...
kaka
既然都冇driver開，咁仲留手上僅餘的floppy碟做乜？咁咪等於儲緊廢物？:P
若然喺街撞到森伯，我一定會跟你打聲招呼:森伯，你好呀！今日啲陽光好燦眼啊！哈哈哈…
版主回應
你見到相中的,是公司物資!!多數唔要~~自己私人就留一兩隻,因為唔阻定無所謂啦...
哈哈,其實平時出街都好少戴墨鏡...到時你記得要自我介紹,係KaKa喎~~
ohtria
我d floppy掉咗N年.
版主回應
太多儲來都沒意思...其他多數堆填~~~
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
謝謝新聞台的支持,將本人的圖片放到優質區,稍後會到圖片區塊看看,希望你們仍多多關注~~
ykk
森兄的floppy碟碟不休, 詳情之人. 值得學習.
版主回應
詳情之人...即是囉唆~~~哈哈哈
長情之人...世間不多~~~應該向邊種學習呢?!
stella luk
呢的我屋企仲有很多呀！陰公！
版主回應
有舊電腦都仲開得...不過而家都唔會阻地方,我只得一兩隻留念,裡面仲有咩file都可能永遠唔會知～哈哈
搞一爺
真係上個世紀啲嘢都摷番出黎講。記得用果時有do do聲，有時磁片讀唔到壞咗，費晒武功就好激氣，有啲檔案要重新做多次，好麻煩。
過期零食……暴殄天物，上一代教人唔好冇衣食，唔想食可以轉贈畀人吖！尊重吓零食好唔好。（我重長氣到老人院都唔收）
版主回應
唔上個世紀都唔得啦~~唔配合森伯伯個形像嘛...哈哈哈
你講起又記得,呢種碟就算新都可能會唔用得,擺得耐都可能唔work架~~反而其後的CD的儲存質素較穩陣~~
暴殄天物?!!...幾粒糖仔嗰類喎~~珍惜食物係好啱,之不過零食之類多食都係冇益尤其很多零食的製造來源又唔清楚~~~
Gael
森兄有冇用過8寸果D軟碟?
版主回應
8寸X8寸?!!...好大隻吓~~好似未見過!!
記憶中有種5寸X5寸多薄薄一片就見過!!
Q版同實體玉照一樣靚仔^^
玉照會有多一點真實感kakakaka
放自己相，目的都係想個blog有少少個人化~~ 2016-07-06 13:57:06