2016-06-20 14:57:02森源
慶生自助餐…
過去的周末就係父親節，至於又有冇咩特別慶祝，其實長輩們未必會重視呢類商業節日，平時大家去飲茶就已經唔錯，所以都係提前慶祝去嘆一盅兩件…反而森伯自己屋企的長輩會重視生日較多，外出食飯就係必定節目！以前會去酒樓叫吓幾道撚手小菜，不過近年來就去食自助餐，畢竟價錢都係差唔多，而且食物啱晒大家，自己鍾意揀什麼就食什麼…
可能呢度都來過很多次，而且食物也不錯，所以大家都讚成！因為每個人對食物都可能有偏愛，鍾意肉食、甜品、素食、糕點、海鮮…能夠遷就到每位就最好喇！不過呢日當然係壽星仔：森爸做主角啦！到而家先明白咩叫：行行企企，食飯幾味…（咪就係森伯呢類配角囉！）至於當日不是太多食客，所以都幾舒服…
人大（老）了，食到飽飽地就算…其實最最最重要就係一家人食得開開心心啫！森裡就祝森爸：身心都繼續青春常駐，因為相由心生嘛…繼而，投機有獲利；身壯有力健；龍馬又精神；笑口要常開……忽然好似新春團契～哈哈
食飽飽之後，倚吓窗旁睇吓街景都唔錯喎！！
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
謝謝新聞台的支持,會繼續選些好的圖放到Blog內,希望你們仍多多關注~~稍後會到熱門圖片區看看~~ 2016-06-22 08:45:15
祝森願達成！因為：
森爸身心青春常駐……森仔自稱森伯，係盜用咗森爸身份口吻寫博客（寫作有用第三人身嘅技巧），人細鬼大，估到森仔好崇拜好威風嘅父親（人之常情），模仿到十足八啦！等森仔心態年輕番。
投機穫利……老豆賺錢仔享福，大家 Happy，做二世祖（我嘅心願黎架）
版主回應
感謝！感謝！其實無論什麼人都保持一種青春心態好重要啦～都冇盜唔盜用，有時森爸仲年輕過森伯…只因森伯實在太過老態龍鍾…哈哈！當然一家人都有唔同的一面，森爸有時很固執，呢個係森伯由細到大的感覺…
老豆賺錢仔享福…咁你又唔好講到森伯好細個，只顧享福…每日做到阿福就有份～～哈哈哈 2016-06-21 09:09:51
祝森父生日快樂, 壽比南山.