講禁「槍」～

其實每次有槍擊事件，都係全城轟動，好似近排的奧蘭多夜店事件，新晉女歌手被槍殺等等…同人講開：佢話外國唔好以為好安全，其實就最唔安全的地方…諗諗有啲地方成日有地震已經好可怕，最主要係人心不安，唔知幾時又會有大地震，同樣槍擊事件都非常可怕，因為你唔知幾時出街會遇到呢類事情…管制槍械都聽咗好耐，都唔明點解仲唔可以真正立法管制呢？！人民的聲音又有冇出來反映過呢？！

如果畀港人個個禮拜上街都似…唉～～

講人手～

早排睇到一個節目，講現今有很多工廠都用了機械人幫手，有時科技進步有很多電子機械都變得先進，漸漸都可以取替人手，工廠就可以縮減工人改用機械人，其實現在好多地方都電子化，有很多商業機構，當中一定包括銀行，已經減散人手，可能到廿幾三十年後，有些工種已被電子機械取替，新一代人將來要搵工更難…當然啦！

顧好現在已經好好，因為廿幾三十年後森伯都唔知仲響唔響呢個世上lu…哈哈

講父親～

好似母親節都係過咗冇耐，話咁快今個周日就係父親節！好多人認為母親節點都隆重過父親節啦…其實都可以理解～慣常的感覺多數媽媽較親，而老豆就負責外出搵錢養家…在華人社會，舊時代的父親一般都係嚴父，男多數主外，女主內，不過到今時今日又唔同，有時朝早都見很多老豆揍仔女搭校車或者陪返學，父親的角色可能有唔同...

老豆就算外出搵錢，但都唔一定舒服過在家看子女做家務的阿媽，因為現在工作都有極大壓力，總之都係要勞心又勞力！…