2016-05-25 12:24:42森源
品味男必備…
相信大家都知，時下要辦一本雜誌都唔容易，最主要係呢個電子時代，有很多資料資訊都上網睇到～或者一個QR code都可以瞭解產品的內容！所以有人仲搞雜誌，某程度上都幾欣賞佢哋的堅持！記得早前好似有本主題以機械人（RoXX）為主的雜誌…每期都送一個機械人的組裝零件，唔知到呢一刻本雜誌仲有冇出呀，但就好似冇乜廣告…而近排又好似有本專講打火機的雜誌出！聽到都不可思議，乜講打火機都可以成為期刊?!!…唔知又有幾多讀者感興趣?!!
有日經過一間專賣男裝的時尚舖，平時好少見到的打火機呢度都有賣，打火機設計唔單止時尚，而且幾大個，我諗呢種打火機可能以收藏為主，特顯收藏者有品味卦…印象中，啲品味男會用個靚靚打火機點雪茄嘆，已經感到一個「型」字！食開煙嘅都可能會買番個，睇得又用得嘛…
乜呢個logo唔止出香水，仲出埋打火機?!!…純粹當一個擺件都幾酷！！
至於森伯平時又好少用到打火機，頂多點下蛋糕蠟燭，細個或者會點吓燈籠，不過都過時啦…雖則打火機未必係必需品，但家中都備有個小型打火機，通常打火機呢家嘢都係：養兵千日，用在一時咁上下啦！
我家的打火機來自便利店……沒品味可言！
版主回應
若果普通用又唔需要太講究~~我都係用便利店嗰種打火機啦!!
2016-05-30 08:59:54
打火機？屋企雖然無人吸煙，但都有一兩個cheap cheap打火機看門口，用黎點吓生日燭等等…
版主回應
其實除了煮食,一般都市人都應該好少用到火,通常只有一個普通打火機仔看門口,而且大多數都係點下生日蛋糕咁啦...
2016-05-27 09:12:56
我都好似未見過女士用打火機喎！？