2016-05-13 09:43:00森源
一隻鴨…
雖然有人覺得畫素描好似普通一點，但要畫得滿意都唔係易，聽過有人話畫要畫得好，素描的功底就唔可以少，所以平時都會拎起支素描筆劃劃練練…
早前都畫了多張動物素描，通常有滿意的作品，都會收集起來，始終是鉛筆畫隔了一段時間就會褪色，其實有噴蠟劑之類賣，不過若果日後要補筆唔易，所以一般畫完就放在file袋拉緊，一般都保持得好好！
今次又特意摷返早前畫的素描出來，覺得呢張唔錯，就用軟件上色～電腦上色效果比較鮮艷，配合禽鳥多彩的羽色很適合的！
今次就post一隻素描鴨同大家分享，雖然冇幾年前的巨型充氣鴨仔咁得意，但勝在比較實在！
其實呢類動物素描都儲了很多，儲儲埋埋都足以開個個人畫展，可是大部份都未上色！仲要後期製作將整好的畫錶起來…幻想中的畫展主題可以叫：情森動物園…不過到時恐怕都係拍烏蠅收場～～哈哈哈
超掂呀！可以直接印落T裇！👏👏👏👏
版主回應
都好提議喎!!搵日揀一張圖試下整件Tee...
2016-05-16 09:22:34
畫到毛臣臣同羽毛輕飄飄感覺，筆功底子好厚，唔怪得有人賞識談合作啦！
版主回應
反而喜歡一爺平時的直言敢言~~~哈哈哈呢類假話反而聽唔慣...功底厚乜?!仲有很多進步空間~~~~ 2016-05-14 21:18:02
一直都係直言喎！咁森仔喜歡我講乜大話去彈呢幅畫，講出黎聽下，為咗森仔開心啲我勉強配合一下啦！
自己畫的畫未必睇到問題,反而人哋就容易睇到問題~~所謂旁觀者清... 2016-05-16 09:27:23