森情日事…水、雨、雪
水為財
今朝晨咁早就有人問：你有冇買呀？！諗一諗…買咩呢？！見佢拎住份報紙，都知佢講咩啦…原來今日有一億元彩池的六合彩～好似話加埋幾期先有咁巨額的獎金…我當然話冇買啦！！對於森伯呢類長者邊有咁lucky～唔玩已經可以當贏錢！可能真係冇咩搏彩運，所以連帶個人都乖仔好多…XXD
雨為大
早上場雨真係好大！見到一間學校的梯級好似一個小型瀑布咁，有源源不絕的水湧出來，學生們都要澗水而行，真係好少見～若然手上有相機都想拍低這個都市奇景，話時話就算真係有相機在手都未必敢影啦～肯定成身濕晒！！幸好安妥乾爽到達公司，唔駛變落湯森～～
雪為涼
有時都慨嘆春秋太短暫，一下子就嚟到暑天盛夏…的確冇講錯五月初就已經去到七、八月的氣溫！或者森伯個老頭子森火盛啦～點都要食啲凍品解吓暑！
對森伯來講，又冇話特別鍾情雪糕雪條之類！偶爾食吓反而滋味得多～其實呢類雪藏生冷食物，都唔可以食太多，偶爾食吓冇問題嘅～所以天時暑熱，間唔中都會買些凍品看吓門口，係看雪櫃嘅門口啫！！XXXD
狂小子Time Is Changing
雪糕都係最鍾意食抹茶味！冇得輸！🍦
ykk
六合彩冇森水, 所以唔買呢 ? 咁就真係自財化水.
版主回應
現在好少人仲揀心水號碼,多數用電腦劃飛~~
由電腦決定自己的財運...哈哈
ykk
森兄見到瀑布, 間學校係咪游泳學校嚟ga!
版主回應
反而我初時以為間學校教滑浪,教風帆之類~~XXD
ykk
睇見盒雪糕, 就森涼.
版主回應
仲以為你話睇見盒雪糕,就森寒...哈哈
夏日涼透森~~~
搞一爺
200W咋！我估同你部奀仔機一樣馬力，其實凍生果唔會好似冰塊咁堅硬，你可以試下香蕉同士多啤梨。忘記森仔冇自由選擇食乜嘅權利，你要問準主人——風濕骨頭痛先，就當我冇講過啦！
雪葩我都唔識，係上網揾到嘅資料啫。
尾段我淨係睇到 （最衰你）鬧我喎！哈哈！我咁大量（人哋冇必然對自己好，我對自已好要成日讚自已），大人不計小人過，當粉筆字抹去。
我呢個A貨八両金做示範要薄酬，唔好用你啲低價值LIKE代替呀！
版主回應
我部奀仔機用來磨呢類生果雪糕唔多掂…香蕉擺得耐又去雪會瘀瘀黑黑，在製作過程中好多細菌黏在蕉上，食咗唔係風濕骨頭痛可能會係肚仔痛～或者搵日用蕉試吓…
據愚昧的森伯所知，雪葩係近乎刨冰…不過會加奶!!!
尾段我寫咗咁多嘢，你剩係睇到（最衰你）…三隻字，證明你喜歡將唔好的東西放大嚟睇~~~我都無話可說啦!!!XXD
就憑A貨八両金已經係賣點啦!!!!~~仲有可能一片成名利就添!!!哈哈哈
森伯冇玩LIKE架~~~
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
謝謝新聞台的支持, 文章圖片列為優質, 仍會繼續寫好每篇blog文, 希望你們仍會繼續關注, 稍後會到圖片區塊看看~~
搞一爺
不同架，水果雪糕係用機打爛冰凍水果就係雪糕，超簡單方便。
雪葩的主要成份是水果、糖、水及凝固劑，而水果雪糕成份只有冰過水果沒有其它架。
雪葩用hand mixer機插上 beater打完，然後要放入冰箱再雪硬佢至食，而水果雪糕用blender刀片打蓉就食得，唔駛再雪。
可以上youtube 打 水果雪糕 有片講解易明。
版主回應
做得水果雪糕部攪拌機應該較大型，馬力較強…我部小型老爺攪拌機捱唔到咁重的工作，搞兩搞報銷都得……哈哈
平時又真係好少食太凍太冰的食物，頂多食吓雪糕，雪凍西瓜之類…
你對水果雪糕，雪葩之類幾有研究喎！最衰你唔寫blog，唔係睇你點示範～～睇你整好過睇youtube啦！咁講O唔OK呢?!!.........XXXD
搞一爺
嘩啦啦！食得起咁邪惡嘅雪糕，森仔一定擁有魔鬼身材。估唔到一向都好注重健康飲食嘅森仔都抗拒唔到呢啲誘惑！
我戒口架。不過，自制水果雪糕，砌塊水果放冰格雪硬，再用攪拌機打爛，好似雪糕架，0脂肪 低糖 低熱量 含維生素、纖維素……純天然冇添加嘅健康營養雪糕。市面真係有部咁嘅水果雪糕機賣。
版主回應
其實間中先食吓，唔好講到好似日日食咁…偶一為之應該冇乜邪惡嘅~~~平時兩餐都食得好清淡，冇大肚腩已經笑得落，唔敢奢望有魔鬼身材…
你仲後生，為乜咁早要戒口呢？！其實用健康食材自家製一啲美食，森伯都好讚同！雪藏嘢點都係生冷嘢，唔可以多食～我會用奶＋蕉＋蜂蜜整香蕉奶昔，都同樣簡單又有益～整水果雪糕，應該唔係種種生果都整得卦？？未試過～
水果雪糕機？！你指係咪水果雪葩刨冰之類？！！……
kaka
都有人叫我買，但我都無買！
有啲人真喺好有搏彩運架！
版主回應
昨日應該幾多人有買！
係啦～冇搏彩運就不如慳番唔駛輸…
stella luk
雪糕會吃上癮，真係又愛又恨！
版主回應
對於我來講，只可以間中食吓～唔會食太多！
Gael
有冇擺定對拖鞋在公司以防萬一
雪糕都係最鍾意食抹茶味！冇得輸！🍦