玩懷舊…
俗語有話：科技一日千里…隔一排就有新科技出現，要追都有排追！平時睇開森Blog的友好們都知，森伯都幾落後，好聽少少就係唔會盲目追求科技嘢…不過人在江湖身不由己…呢句說話唔到你唔信～
事因早前有人傾開關於聯絡的事宜，那個人想用Whatsapp去聯絡，其他人當然冇問題啦，早早已經係智能電話！森伯個老人家就講，我唔係用智能電話…呢個世代森伯簡直係奇珍異獸～當然聽到勸告啦！最後都奉上一句：只是遲早問題，遲些你都會換的…雖然事隔都有一段時間，但佢呢句話仿如生活上的蘇師傅，又講得幾中，可能真係遲啲又要換電話（長者電話換智能電話）…呢個係時代的需要，係工作的需要，森伯不能不妥協…
至於呢部MP3，聽落都已經好似上個世紀的產物XXXD
不過係幾個月前買，事關買來學習用（忽然森伯好似細路仔A for Apple, B for Boy, C for Cat…XXXXD），差唔多日日都要聽，聽聽吓發覺有問題，聽到幾分鐘自己就會熄機，幾秒後自己再開返（聽落好有靈異feel~~）於是致電問過，呢類小型電器一般都唔建議再整，買過啦～但保養期未過，都要去試試！結果比靈異更靈異，師傅話冇問題喎！！當然估佢地冇修理過，冇檢查過…所以日後都唔會再買呢個牌子的電子產品…
雖然話MP3係古董，但用起來聽起來的確幾方便，我覺得好用過用電話聽…
近排有種筋疲力竭的感覺，成個人散晒！真係要趁呢幾日假期好好抖吓…
man-man
近期濕氣好重，好多人都會感到身體特別疲倦。
版主回應
你講得啱，所以呢幾日風濕發作，搞到個人都唔多妥……
ykk
人活著就要向前，不要根森蒂故。買番部正常手機，請知大家，ykk可同你們whatapps呢？
版主回應
你咁講！話森伯好古執？！…哈哈～老人家係咁架啦！！
對森伯來講長者手機都叫正常手機，日後添咗新手機再whatapps大家~~~
新聞台Blog小天使
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
多謝新聞台的支持, 我會繼續寫好博文, 希望你們仍多多關注~~稍後到哈燒文章區看看!!
kaka
我覺得不是不能妥協的問題，而是人要往前看嘛！要與時代並進嘛！嘻嘻！
版主回應
或者就係呢個原因，所以都要向前看，唔敢話與時並進只係唔想落後太多啫～～XXD
Gael
其實點解唔用電話聽呢?帶少樣嘢出街唔駛咁煩囉...
用到whatsapp係方便啲嘅,工作上和平時聯絡都方便一點,反正如果家中或公司都有wifi,即使不上3G/4G台都可以!!
視乎個人需要啦,如果唔係太多睇片和打機,或者download太多apps,千零蚊果啲智能機夠用啦.....當然如果森兄要配合返個型人designer造型的話,又另當別論XXXD
版主回應
好多謝gael兄的意見…覺得用電話聽會好食電，聽幾下又要叉電，唔太想縮短手機電池的壽命，而且mp3比較輕巧，帶出街可以放褲袋！現在就要試下智能機的運用，相信有wifi點就會隨時可以上網，用慣咗先至考慮上台是否需要，學一樣未用過的東西，點都要交吓學費！！
相信唔想變低頭族，幸好睇片打機都唔好！簡簡單單買部入門機算嘞～更何況人唔型，都唔需要配合咩型人designe…可能你會講究埋呢點嘅….
ohtria
MP3我呢度仲有好多人用架.
版主回應
外國人始終冇咁緊貼潮流，分分鐘仲可以搵到錄影機…哈哈
搞一爺
啱啱舊嗰部用咗5年嘅攪拌機，打豆漿時唔小心入水搞到馬達短路，買過部新嘅都係呢個名大牌子，貪佢有豆漿隔渣網，諗住唔駛另外再入網揸奶，點知一用就過熱燒馬達，換過部新嘅，再打豆漿都唔敢用個隔渣網，跟翻舊路分批慢慢打再隔渣。
都係舊嗰部有過熱跳制好用啲，搞到佢火滾都識自己冷靜，呢部要錫住黎用，要温柔啲，太激會馬上風暴斃！產品功能設計唔掂檔！畀佢激死！
版主回應
你講起攪拌機，我都有一部屬於呢個牌子，不過就幾襟用，可能只係小型攪拌機，一般運作時間唔多，所以又冇攪到火都滾喎～
通常太硬的食材我會先行切碎再放入攪拌機磨，可能咁樣就會襟用少少…豆漿唔會時時攪（好間唔中），最多都係攪果糊，以前都有部豆漿機（可以攪完煲熱那種），發覺個製成品唔多熟，飲唔熟的豆漿唔健康，所以之後冇用lu…
stella luk
我亞仔個部仲响度呢！
近期濕氣好重，好多人都會感到身體特別疲倦。