2016-04-22 11:25:12森源
一瓜兩味…
森伯個Blog平時除咗畀自己發吓牢騷之外，post啲無人欣賞嘅畫，仲有講吓健康飲食，最主要！森伯只係想跟大家分享吓健康飲食森得啫！
都見好耐冇講過健康飲食喇～事因早前見到報導講：有個大腸癌的篩查計劃，係資助某個年紀的人士去做大腸檢查。而政府更預料這個需求會越來越多…梗係啦！大腸癌就係本港的No.1殺手，點解會唔緊張呢！！而且呢個病更有年輕化40歲以下都大有人在，而公院的大腸鏡檢查要大排長龍，所以要資助去私家做檢查…
而我認為政府除咗畀錢大家檢查之外，都好應該投放部份錢做下教育宣傳等等！相信好多人都知大腸癌係同不良的飲食習慣有關…
其實唔想自己條…大腸有問題的話，最好都係食多啲蔬果穩陣嘞！
今次就等森醫師介紹一個既簡單又直接的生機飲食 ── 一瓜兩味！
飲食查實越簡單越好，生食有佢當中的酵素，可以幫助腸蠕動兼有助消化～
第一味：平時都會生食青瓜仔，若果不是買真正有機的話，食之前要浸完再洗洗，減低佢嘅農藥量…嫌淡口的話可以灑上小小鹽作調味兼可減少草青味～唔想切，成條青瓜仔食都得嘅…
第二味：將青瓜仔打成青瓜糊，可以加些蜜糖，多少隨自己喜歡！青瓜本身都係經典的五青汁其中之一青，所以對清腸胃都幾有效架！
以上的材料或做法都非常簡單，真係簡單到冇人有！！
係呀,可作餐前小食,幾開胃,又有益
通常用蘋果醋浸
版主回應
係呀~用果醋浸應該有益兼好味!!若果我食得酸的話都會試吓...
2016-04-25 15:32:30
我煮冬瓜熱食多，絕少冷/熱食青瓜，可能冷盤唔啱屋企人食，屋企傳統又唔多食青瓜，平價街市好少青瓜賣，反而貴價超市就常有，最近啲冬瓜由＄4斤加到＄8斤，睇吓如果青瓜平嘅買黎替代吓都好喎！
版主回應
至於冬瓜又好少生食，多數揀青瓜、沙葛，是因我有很多帶酸的水果唔食得，所以蔬菜類挑選些可以生食～我時時覺得呢類蔬果唔會好貴，買一包溫室青瓜仔都有排生食…哈哈哈～其實呢個唔係送飯食，可以當餐後水果咁食，間中飲吓青瓜漿都好架～貴買平食囉！！ 2016-04-25 09:12:59
反而我喜歡五青汁多啲！
反而單一材料易控制份量~~ 2016-04-26 11:37:08