自從多方的資訊講，一般的麵包店所做的麵包就有很多食物添加劑，要貪鬆軟、口味、平宜…就好難買唔到科學包（指包裡充滿添加劑）！

所以曾幾何時，自己都做過一些健康饅頭，除了要些心機外仲要有時間，晚上整定等發酵，第二朝早才可蒸！做出來都唔夠幾啖就食完！可能森伯自己生大食癪啦～XXXD

幸好，家附近有麵包舖有麥饅頭賣，都唔錯～有機會可以寫多篇Blog講講！其實附近超市都有饅頭賣，雖然佢都係包裝食物，但都可以先睇睇營養標籤，覺得OK才買！呢款細細饅頭就唔錯，幾有麥香味和輕輕的煉奶味，微微甜我就覺得幾好！！

饅頭的好處就係你可以買多少少，放到雪櫃裡冷藏，想食就攞一兩個出來蒸熱便可，而且好味得來又耐放～即使三更半夜肚仔餓都可以有得食！！

饅頭屬於粗食，跟麵條差唔多，北方人比較常食，所以他們身型比較高大硬淨，耐唔耐食多啲粗食，對身體都有好處架！