2016-03-02 14:19:26森源
做嗰行；似嗰行？！
以前常常聽，職業有三十六行，行行出狀元等等……相信今時今日社會都唔止有36行啦，工種應該比以往多，但今次唔係想講行業，想講吓係咪一定做嗰行，似嗰行咁啫？！
其實都唔一定做嗰行，似嗰行，認識的人們當中，都有些人唔太似佢本身的職業，總係覺得佢反而似做某個職業！記得以前都有些電視節目，請位嘉賓上場，當然背著鏡頭，主持問有關佢的職業，憑一問一答畀觀眾去估吓佢到底係做咩行業…不過現在少了呢類節目！有時一份工作做耐了，一舉手一投足都可能已經泄露玄機，呢類就叫入型入格嘞！不過俗語有話：人不可以貌相～或者都係我哋既有的標籤形象啫！都冇話個樣似就一定係做某行嘅！
不過森伯做的工都冇制服著，所以一定冇制服誘惑呢回事！哈哈哈，更加冇咩太特別的術語講，平時森伯返工衣著求其是但，毫無Pro的感覺，所以都冇咩似唔似做嗰行lu…
直覺上覺得森兄都係從事啲講求藝術創意的行業^^
版主回應
真正的森伯係魯粗一名,何解估有藝術創意呢?!!...XXD
2016-03-04 08:52:43
ykk都記得森兄所論電視節目，但小森得果幾歲，冇乜理由會記得喎。
言歸正轉，有次，這節目有位嘉賓，家內沒有人估到他的職業，最後給ykk猜中... 當然，所有人不服 :)（其實，他是我的舊同事）!!!
版主回應
至於呢類節目,邊年播就唔記得,印象好模糊~~又咁巧合喎...曾經做過同事梗係知佢做咩職業啦!!其實估下人哋的職業都幾有趣味性~~ 2016-03-03 09:13:47
有乜制服著上身會騎呢？（謎底係……）
唔通有人重口味，鍾意反串？ so confusing. 哈哈哈！
讚人變咗搞笑，我啲能力都好差呀！feeling so down
能力都好差?!你指邊方面咁呢?!!你有幾時唔係讚人變搞寸丫XXXXD 2016-03-04 09:02:35