2016-02-26 10:01:08森源
閒話森常──為慳而慳
可能自己長者的關係啦！！對涉及長者有關的訊息都比較敏銳，若然你唔會…就証明你仲青春無敵囉～XXD
最近有消息話政府會推出專為長者而設的IBond，目的為通脹掛鈎，而且利息比較好，發行量也足夠分配多人申請…聽起來都算吸引啦！當然好過將筆養老金擺在銀行食利息！而且政府出得，基本上都係冇乜風險，若然唔係太貪的話，又唔敢有咩大投資，買吓都無妨…查實之前的IBond森伯都想申請，後來都唔記得有冇填表，又或者冇咁好彩數抽中，最後都係不了了之！…但今云專為長者而設，森伯抽中機會又會否高啲，真想碰吓彩數…之不過張議員就講長者IBond只係適合有米而不懂投資的長者，至於貧窮的長者連IBond都未必買得到，所以實質都未必個個長者都能受惠！聽起嚟森伯屬於在貧窮線下的老人家，咁即係話抽中都冇錢買啦！…
就咁森伯平時慳得幾多就幾多，呢日個午餐相當求其兼簡單，最主要下午有事要快快填飽個肚仔而已！睇嚟今餐又可以慳番幾蚊雞～yeah!!!XXD
50、60年代啲窮等人家唔駛紮炮嘅話係食麵包皮咋！我斷估森仔都唔夠沙膽入去麵包舖開聲買袋包皮咁異相啦！喺公司食包皮一定嚇親你啲同事。
啲孤寒財主咪好似森仔咁鬼慳囉！
版主回應
你講開麵包皮，就諗起時下好多麵包店想搵袋麵包皮睇吓都冇啦！通常送到去的麵包已經包裝好晒！細個時仲見到有師傅切麵包皮，可能一些舊式茶餐廳仲有呢啲下欄嘢卦……冇聽過有人話森伯孤寒喎！財主更加唔係啦！…唯一講得啱係咁鬼慳囉！哈哈哈 2016-03-01 09:23:46
而家的麵包也不便宜架！
話就無乜風險，但，投資既野好難話一D風險都無！
版主回應
而家乜都貴啦!!所以慳到都盡量慳~~森伯都變慳伯...XXD比起很多投資工具嚟講,呢樣算風險冇乜,政府都怕長者的養老金縮水,若果要蝕錢,長者們又上街遊行,到時又攞著政府搞~~~~ 2016-02-29 16:28:34
慳仔森兄, 飽森賜肚. 荷包腫脹, 身體健康, yeah!
明明一個求其午餐,都講到飽森賜肚,荷包腫脹!!哈哈 2016-03-02 08:51:35