2016-02-08 14:47:49森源
恭賀｢森｣禧
唔經唔覺就到咗猴年喇～首先同各位blog友拜個年，恭祝大家猴年暢旺，森想事成！其實聽講話幾日前立春已經踏入猴年，無論如何新年最緊要有個好開始，有個新景象…
有時覺得華人都幾好，一年裡面有兩個新年，不過重頭戲梗係擺在農曆年裡面啦！今個新年，森伯伯都未有準備什麼！唯一有準備就係準備逗利是XXD（忽然森伯伯好細個…he he）其實近呢幾年都有個習慣，親人親戚畀的利是都會儲起自己用，其他人的利是兼且係細額利是，通常都會集起作善事！既有意義又可為自己添吓福（福頭個福），一舉兩得！
其實每年過年前都有衝動想逛吓花市，自細個以來都好似再無咩行過年夜花市，一來人太多二來又真係冇咩特別嘢要買，所以真係冇咩動力去逛喇！只有每個年夜食完年夜飯先順便睇睇個氣氛…
新年講恭賀說話相信大家都唔嫌多，再祝大家猴年行大運，祝森伯自己就好似猴子咁靈活，做起事或者有咩行動都快快手完成佢～～
祝身體健康！事事順利！心想事成！
版主回應
多謝白雪!!我都祝你今個猴年事事如意,樣樣事情得心應手~~ 2016-02-11 09:19:47
祝森兄身手尤如靈猴般靈敏，
猴年事事順心如意，平安喜樂！
都祝你猴年事事順暢,身體健康,心靈富足~~ 2016-02-12 09:24:01