2016-01-05 15:23:07森源
有森唔怕遲…
其實2016年都過了幾日，不過始終係新年頭，祝福語都唔嫌多，而且更加唔會怕遲！新的一年祝大家開開心心，自己就祝自己事事順暢咁啦！！
放假好似放咗成年（跨年），其實都只係放咗幾日，半個月時間都冇…話咁快又到新一年開工日，所以森Blog順便開市…
正所謂新年用新嘢，森伯伯又未必有呢個習慣，可是年尾咁啱部長者手機的SD插卡殼爛了，估唔到咁嘅爛都要換手機？！始終部長者手機的內置記憶體有限，存相、音檔統統唔用得，所以就迫住用部雙卡新手機…大家唔好以為森伯用智能機，只不過用部新的長者手機而已！哈哈哈
話到新年始終都要剪吓髮，置吓新裝…講開真正濕平買衫，感覺好似好耐了，好似有種久違的感覺！尤其攞衫去試身室的時候～越來越覺得人老咗真係冇乜幾多款式可選擇！XXXXD～～年青款唔襯，老成款又越著越老餅…都有可能咁嘅原因太耐冇買衫…自己就留在本地消費，不過話時話行街的人多，買嘢的人就唔覺太多，所以據聞話今年的展銷會銷情麻麻地，我都信架！自己都勒緊個荷包啦！無無謂的東西都唔敢買，有啲人認為天氣麻麻影響人們消費意慾，其實我話最大可能係個股市麻麻先係真…好在森伯伯本身知慳識儉，實行應駛則駛的原則，咁就唔受影響喇！
新一年希望自己盤滿砵滿，本來森伯都唔係市儈人，不過時下興講養老金，都要許下這個祈願！！哈哈哈
哈哈！我有一半係“馬騮衣”喎！愈老愈花fit添，我又著得好開心，感覺有朝氣活力。
版主回應
分一個個人啦~~可能你襯得好睇呢!!哈哈森伯要求的服飾以簡單平實為主!! 2016-01-11 08:56:28
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
謝謝新聞台的支持與鼓勵,會繼續寫好自己的博客,希望仍繼續得到你們的關注,稍後會到哈燒文章區看看~~
2016-01-06 14:27:53
推ㄧ下~http://avsex8av.com